ក្លឹបInter Miami កំពុងដុតដៃដុតជើងក្នុងការកៀងគរចុះហត្ថលេខានាំយកមិត្តរួមក្រុមរបស់កំពូលខ្សែប្រយុទ្ធស្លាប Leo Messi កីឡាករ Angel di Maria មករួមក្រុមខណៈពេលបច្ចុប្បន្នពួកគេបាននាំយកកីឡាករ Luis Suarez, Sergi Busquets និង Jordi Alba អោយមកគ្រងឯកសណ្ឋានឈុតផ្កាឈូកលេងរួមគ្នាសម្រាប់ក្រុមដែលមានមូលដ្ឋាននៅក្នុងរដ្ឋ Florida រួចមកហើយ ស្របពេលប្រធានក្លឹបគឺវីរបុរសក្រុមបិសាចក្រហមលោក David Beckham បាននិងកំពុងធ្វើការចរចាដើម្បីនាំយកអតីតកីឡាករ PSG , Man.Utd និង Real Madrid ដែលកំពុងលេងអោយក្លឹប Benfica រូបនេះទៅលេងនៅទ្វីបអាមេរិកខាងជើងនោះ។
គួរបញ្ជាក់ថាកិច្ចសន្យារបស់សមាជិកជ័យលាភី World Cup ២០២២ សញ្ជាតិអាហ្សង់ទីននឹងត្រូវផុតកំណត់នៅចុងបញ្ចប់រដូវកាលនេះ ហើយជាលទ្ធផលត្រួសត្រាយផ្លូវសម្រាប់ការផ្លាស់ប្តូរទៅកាន់ Inter Miami ដោយគ្មានតម្លៃខ្លួនខណៈគ្រូបង្វឹកអាហ្សង់ទីនលោក Tata Martino បានគូសវាសទម្រង់លេងត្រៀមដាក់អោយពួកគេលេងរួមក្រុមរួចអស់ទៅហើយនោះ។ បច្ចុប្បន្ន Inter Miami កំពុងឈរនៅលេខរៀងទី១ នៅក្របខណ្ឌ Major League Soccer តាមពីក្រោយដោយក្រុមលេខរៀងទី២ Cincinnati មានគម្លាតពីពួគគេត្រឹម៣ពិន្ទុប៉ុណ្ណោះ។
ប្រភព:Tribuna
មានវីដេអូ:
(អង់គ្លេស)៖ គ្រូបង្វឹកថ្មីក្រុមបិសាចក្រហម Manchester United បានទទួលបន្ទុកនៅក្នុងការហ្វឹកហាត់ជាលើកដំបូងរបស់លោកក្នុងអំឡុងពេលសម្រាកអន្តរជាតិ។ លោក Amorim មានវ័យ ៣៩ឆ្នាំ បានមកដល់មជ្ឈមណ្ឌលបណ្តុះបណ្តាល Carrington របស់ក្លឹបកាលពីថ្ងៃច័ន្ទមកម្លេស។ ជាលទ្ធផល កីឡាករថ្នាលយុវជនជាច្រើនបានចូលរួមហ្វឹកហាត់។អត្ថបទកំពុងចាប់អារម្មណ៍៖ លោក Amorin បានធ្វើការចរចារជាមួយនឹងកីឡាករម្នាក់ ដែលទំនងជាសមាជិកថ្មីមុនគេក្រោមការដឹកនាំរបស់លោក សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករមួយចំនួនធំងាយស្រួលយល់ពីទម្រង់លេងរបស់លោក Amorim ភ្លាម ដោយកីឡាករខ្លះដាក់ឈ្មោះហៅក្រៅឲ្យគាត់ថា ” Mourinho 2.0 ” ក៏ព្រោះតែយុទ្ធសាស្រ្ត និងរបៀបបង្វឹករបស់គាត់ ដូចកាលលោក Jose Mourinho នៅដឹកនាំដែរ៕ ប្រភព៖ SPORTbible
