(អង់គ្លេស)៖ ក្លឹបមាន់ខ្នាយមាស Tottenham Hotspur កំពុងទាក់ទងជាញឹកញាប់ ហើយនិងបានពន្លឿនការចាប់អារម្មណ៍លើខ្សែការពារ Tosin Adarabioyo របស់ក្លឹប Fulham ដែលអតីតយុវជនជម្រើសជាតិអង់គ្លេសរូបនេះ នឹងក្លាយទៅជាកីឡាករមិនមានតម្លៃផ្ទេរនៅចុងបញ្ចប់នៃរដូវកាលនេះ នេះបើយោងតាមប្រភព Football Insider បានចេញផ្សាយ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
រំលឹកដែរថា Adarabioyo មានកេរ្តិ៍ឈ្មោះនៅក្នុងក្របខ័ណ្ឌកំពូលចាប់តាំងពីចាកចេញពី Manchester City កាលពីអំឡុងឆ្នាំ ២០២០ ដោយចូលរួមជាមួយ Fulham ក្នុងតម្លៃផ្ទេរត្រឹមតែ ១.៧លានអឺរ៉ូ ប៉ុណ្ណេាះ។ គួរកត់សម្គាល់ថា កីឡាករវ័យ ២៦ឆ្នាំរូបនេះ ចូលលេងបាន ១៣២ប្រកួត សម្រាប់ក្រុមរបស់លោក Marco Silva។
គួរជម្រាបដែរថា Tottenham បានពិភាក្សាជាបន្តបន្ទាប់ជាមួយភ្នាក់ងាររបស់កីឡាករ Adarabioyo ប៉ុន្តែពួកគេកំពុងប្រឈមមុខនឹងការប្រកួតប្រជែងយ៉ាងខ្លាំង ដោយកំពុងតាមដានពីសំណាក់ក្លឹបធំៗ ដូចជា Liverpool, West Ham United, AC Milan និង Monaco៕
ប្រភព៖ SportsMole
