អតីតកីឡាករជម្រើសជាតិអាហ្សង់ទីន Carlos Tevez ត្រូវបានគេបញ្ជូនទៅមន្ទីរពេទ្យភ្លាមៗបន្ទាប់ពីរូបគេមានអការឈឺទ្រូងជាខ្លាំង។Tevez ត្រូវបានបញ្ជូនទៅមន្ទីរពេទ្យក្នុងទីក្រុង Buenos Aires កាលពីថ្ងៃអង្គារ ហើយនឹងបន្តនៅទីនោះរហូតដល់ការធ្វើរោគវិនិច្ច័យវេជ្ជសាស្រ្តត្រូវបានបញ្ចប់ថារូបគេមានជំងឺអ្វីអោយប្រាកដ។អតីតខ្សែប្រយុទ្ធក្រុម Manchester United, Manchester City និង West Ham វ័យ 40 ឆ្នាំរូបនេះបច្ចុប្បន្នជាគ្រូបង្វឹកក្រុម Independiente នៃលីគកំពូលអាហ្សង់ទីន។Tevez ធ្លាប់ចូលលេងអោយអាហ្សង់ទីនបាន៧៦ប្រកួតឱ្យក្រុមពពកសអាហ្សង់ទីនចន្លោះឆ្នាំ ២០០៤ និង ២០១៥ និងបានចូលកាន់តំណែងជាគ្រូបង្វឹក Independiente នៅខែសីហាឆ្នាំ ២០២៣ ក្រោយចំណាយពេលមួយរយៈទៅកើបលុយនៅក្លឹបShenghai Shenhua របស់ចិនបានមួយរយៈពេល។
Tevez ធ្លាប់ដឹកនាំក្លឹប Rosario Central បានមួយរយៈពេលខ្លីផងដែរក្រោយចូលនិវត្តន៍ពីកីឡាករក្នុងខែមិថុនា ឆ្នាំ ២០២២ និងបន្ទាប់ពីបង្ហាញខ្លួនជាកីឡាករអាជីពលើកទីបីជាមួយ Boca Juniors ។Tevez បានបង្ហាញខ្លួន ២០១ ប្រកួតនៅ Premier League ចន្លោះឆ្នាំ ២០០៦ និង ២០១៣ និងស៊ុតបញ្ចូលទីបាន ៨៤គ្រាប់។គាត់បានឈ្នះជើងឯក Premier League ពីរដងជាមួយ Man.UtdUnited (2007-08 និង 2008-09) និងមួយលើកជាមួយMan. City (2011-12) ។
ប្រភព:BBC
វីដេអូ:
(អង់គ្លេស)៖ ក្លឹបបិសាចក្រហម Manchester United បានចាប់ផ្តើមបើកការពិភាក្សាជាមួយក្លឹប Getafe លើលក្ខខណ្ឌខ្ចីជើងជាលើកទី២ សម្រាប់ខ្សែប្រយុទ្ធស្លាបដ៏មានសក្តានុពល Mason Greenwood លើកិច្ចព្រមព្រៀងរយៈពេល១ឆ្នាំបន្ថែម សម្រាប់រដូវកាល ២០២៤-២៥ នេះបើយោងតាមសារព័ត៌មាន The Athletic បានចេញផ្សាយនាពេលថ្មីៗនេះ។អត្ថបទកំពុងចាប់អារម្មណ៍៖ Man Utd ចេញមកបញ្ជាក់កិច្ចពិភាក្សា ជុំវិញការចាកចេញរបស់ Greenwood សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករសញ្ជាតិអង់គ្លេសវ័យ ២២ឆ្នាំ បានចូលរួមជាមួយក្លឹបអេស្ប៉ាញ Getafe ក្នុងកិច្ចសន្យាខ្ចីជើងរយៈពេល១រដូវកាល កាលពីរដូវក្តៅឆ្នាំមុន។ ទន្ទឹមនឹងនេះដែរ ក្លឹបបិសាចក្រហមចង់លក់ Greenwood នៅចុងរដូវកាលនេះ ជាជាងដាក់ទណ្ឌកម្មឲ្យក្លឹបដទៃខ្ចីជើង។ ជាមួយគ្នានេះ Getafe ទំនងជាមិនបន្តកិច្ចព្រមព្រៀងជាអចិន្ត្រៃយ៍ដល់ Greenwood នោះទេ ខណៈរូបគេអាចស្វែងរកត្រឹមការផ្ទេរទៅកាន់ក្លឹបនៅលីគទី២ អង់គ្លេសប៉ុណ្ណេាះ។ គួរបញ្ជាក់ផងដែរថា Greenwood ស្ថិតនៅក្រោមកិច្ចសន្យាជាមួយបិសាចក្រហមរហូតដល់ខែមិថុនា ឆ្នាំ២០២៥៕ ប្រភព៖ SportsMole