ខ្សែបម្រើកណ្តាល Frenkie de Jong នឹងត្រូវអវត្តមានរហូតដល់បញ្ចប់រដូវកាល La Liga ២០២៣-២០២៤នេះដែលនៅសល់បន្ទាប់ពីកីឡាកររបស់ក្លឹបអ្នកមានបុណ្យ Barcelona ត្រូវបានបានបញ្ជាក់ជាផ្លូវការណ៏កាលពីថ្ងៃចន្ទថាខ្សែបម្រើរូបនេះបានរងរបួសកជើងក្នុងការប្រកួតក្នុងជំនួបEl- Clasico កាលពីចុងសប្តាហ៍កន្លងទៅនោះ។ទោះបីជាយ៉ាងណាក៏ដោយ កីឡាករអន្តរជាតិហូឡង់រូបនេះត្រូវបានគេរំពឹងថានឹងអាចជាសះស្បើយទាន់ការប្រកួតព្រឹត្តិការណ៏ Euro ២០២៤ នៅរដូវក្តៅនេះ ខណៈរូបគេអាចអវត្តមានប្រមាណ៥ សប្តាហ៍។ក្លឹបយក្សកាតាឡាន់ Barcelona បានរៀបរាប់កាលពីថ្ងៃចន្ទថាអតីតយុវជនក្លឹប Ajax កីឡាករ Frenkie de Jong បានបាក់កជើងស្តាំ ក្រោយដកខ្លួនចេញនៅមុនពេលចប់តង់ទីមួយក្នុងការទទួលជ័យជម្នះ ៣-២ របស់ Real Madrid លើម្ចាស់ជើងឯកអេស្ប៉ាញនៅកីឡដ្ឋាន Santiago Bernabeu ។
ហូឡង់ ត្រូវជួបជាមួយកាណាដា និងអ៊ីស្លង់ ក្នុងការប្រកួតមិត្តភាពនៅថ្ងៃទី៦ និង១០ ខែមិថុនា មុនពេលការប្រកួតជើងឯកទ្វីបអឺរ៉ុបចាប់ផ្តើមនៅថ្ងៃទី១៤ ខែមិថុនាខណៈក្រុមរបស់លោក Ronald Koeman ស្ថិតក្នុងពូល D មានបារាំង ប៉ូឡូញ និងអូទ្រីស។De Jong នឹងសង្ឃឹមថានឹងមានវត្តមានក្នុងការប្រកួតដំបូងព្រឹត្តិការណ៏Euro ២០២៤ក្នុងនាមអាឡឺម៉ង់ជាម្ចាស់ផ្ទះជាមួយមិត្តរួមក្រុម Barcelona គឺ Robert Lewandowski របស់ប៉ូឡូញនៅថ្ងៃទី ១៦ ខែមិថុនា។ ការបរាជ័យ ‘El Clasico’ ធ្វើឱ្យក្រុមម្ចាស់ជើងឯក Barcelona ថយគម្លាតដល់ទៅ១១ ពិន្ទុតាមពីក្រោយក្រុមកំពូលតារាង La Liga គឺ Real Madrid និងឈរនៅចំណាត់ថ្នាក់លេខ២។
ប្រភព:Besoccer
(អង់គ្លេស)៖ ក្លឹបបិសាចក្រហម Manchester United បានចាប់ផ្តើមបើកការពិភាក្សាជាមួយក្លឹប Getafe លើលក្ខខណ្ឌខ្ចីជើងជាលើកទី២ សម្រាប់ខ្សែប្រយុទ្ធស្លាបដ៏មានសក្តានុពល Mason Greenwood លើកិច្ចព្រមព្រៀងរយៈពេល១ឆ្នាំបន្ថែម សម្រាប់រដូវកាល ២០២៤-២៥ នេះបើយោងតាមសារព័ត៌មាន The Athletic បានចេញផ្សាយនាពេលថ្មីៗនេះ។អត្ថបទកំពុងចាប់អារម្មណ៍៖ Man Utd ចេញមកបញ្ជាក់កិច្ចពិភាក្សា ជុំវិញការចាកចេញរបស់ Greenwood សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករសញ្ជាតិអង់គ្លេសវ័យ ២២ឆ្នាំ បានចូលរួមជាមួយក្លឹបអេស្ប៉ាញ Getafe ក្នុងកិច្ចសន្យាខ្ចីជើងរយៈពេល១រដូវកាល កាលពីរដូវក្តៅឆ្នាំមុន។ ទន្ទឹមនឹងនេះដែរ ក្លឹបបិសាចក្រហមចង់លក់ Greenwood នៅចុងរដូវកាលនេះ ជាជាងដាក់ទណ្ឌកម្មឲ្យក្លឹបដទៃខ្ចីជើង។ ជាមួយគ្នានេះ Getafe ទំនងជាមិនបន្តកិច្ចព្រមព្រៀងជាអចិន្ត្រៃយ៍ដល់ Greenwood នោះទេ ខណៈរូបគេអាចស្វែងរកត្រឹមការផ្ទេរទៅកាន់ក្លឹបនៅលីគទី២ អង់គ្លេសប៉ុណ្ណេាះ។ គួរបញ្ជាក់ផងដែរថា Greenwood ស្ថិតនៅក្រោមកិច្ចសន្យាជាមួយបិសាចក្រហមរហូតដល់ខែមិថុនា ឆ្នាំ២០២៥៕ ប្រភព៖ SportsMole