ក្រុមតោខៀវ Chelseaប្រឈមអវត្តមានកីឡាករស៊ុតបញ្ចូលទីច្រើនជាងគេនៅរដូវកាលនេះគឺ Cole Palmer នៅពេលដែលពួកគេធ្វើដំណើរទៅសួរសុខទុក្ខក្រុមកាំភ្លើងធំ Arsenal នៅវេលាម៉ោង២រំលងអធ្រាតឈានចូលថ្ងៃអង្គារទី២៤ មេសា ២០២៤ស្អែកនេះ។គួររំលឹកថាខ្សែបម្រើស្លាបសញ្ជាតិអង់គ្លេស Palmer បច្ចុប្បន្នគឺជាអ្នកស៊ុតបញ្ចូលទីច្រើនជាងគេនៅក្របខណ្ឌ EPL ដោយរកបាន ២០ គ្រាប់ហើយ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទោះជាយ៉ាងណាគ្រូបង្វឹកសញ្ជាតិអាហ្សង់ទីនលោក Mauricio Pochettino បានលើកឡើងថាកីឡាករវ័យ ២១ ឆ្នាំសញ្ជាតិអង់គ្លេសរូបនេះកំពុងតស៊ូពីបញ្ហាជំងឺមុនការប្រកួតក្របខណ្ឌ EPL នៅរាត្រីនេះ។លោក Pochettino បានបញ្ជាក់យ៉ាងដូច្នេះថាៈយើងនឹងឃើញនៅព្រឹកថ្ងៃអង្គារនេះ។ យើងសង្ឃឹមថាគាត់អាចជាសះស្បើយពីស្ថានភាពនេះ ហើយចូលរួមជាមួយក្រុមបាន។
Chelsea ឈរនៅលេខរៀងទីប្រាំបួនក្នុងតារាងក្របខណ្ឌ Premier League និងមានគម្លាតបីពិន្ទុពីក្រុមលេខប្រាំពីរខណៈអវត្តមានរបស់ Palmer អាចនឹងក្លាយជាការខកចិត្តមួយសម្រាប់ពួកគេក្នុងការបន្តក្តីសង្ឃឹមមានកៅអីលេងនៅក្របខណ្ឌទ្វីបអឺរ៉ុប។ ផ្ទុយទៅវិញ ការប្រកួតនេះផងដែរនិងជាជំហ៊ានថ្មីមួយបន្តទៀតសម្រាប់ Arsenal ក្នុងការលើកពាន Premier League ជាលើកដំបូងក្នុងរយៈពេល ២០ ឆ្នាំ។បន្ទាប់ពីក្តីសង្ឃឹម Arsenal បានខកចិត្តក្រោយចាញ់ Aston Villa នៅទឹកដីខ្លួនឯង កាលពីថ្ងៃទី ១៤ ខែមេសា ប៉ុន្តែក្រុមបានស្តារមុខមាត់ឡើងវិញក្រោយផ្តួល Wolverhampton Wanderers កាលពីថ្ងៃសៅរ៍។ការប្រកួតនៅថ្ងៃអង្គារនេះផងដែរនឹងក្លាយជាការប្រកួតលើកទី ៤ សម្រាប់ Arsenal ក្នុងរយៈពេល ១០ ថ្ងៃ ប៉ុន្តែអ្នកចាត់ការ Mikel Arteta នៅតែមានសុទិដ្ឋិនិយមថាក្រុមមិនប៉ះពាល់ដោយសារការផ្លាស់ប្តូរកាលវិភាគប្រកួតយ៉ាងឆាប់រហ័សពេកនេះទេ។
ប្រភព:BBC
វិដេអូ:
