(អេស៉្បាញ)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានឲ្យដឹងថា ខ្សែបម្រើឆ្នើម សញ្ជាតិអាល្លឺម៉ង់ Toni Kroos នឹងបន្តស្នាក់នៅក្រុមអធិរាជស Real Madrid ខណៈដែលកុងត្រាថ្មីមានសុពលភាពរហូតដល់ឆ្នាំ ២០២៥។ ទន្ទឹមនឹងដែរ ការពិភាក្សាដោយផ្ទាល់រវាងភាគី Kroos និងក្លឹប Real Madrid កំពុងដំណើរការលើគោលជំហនេះ ខណ:ក្លឹបកំពុងរង់ចាំនូវហត្ថលេខារបស់ខ្សែបម្រើវ័យ ៣៤ឆ្នាំ រូបនេះ។

គួរជម្រាបផងដែរថា រដូវកាលនេះ អាចជារដូវកាលដ៏អស្ចារ្យសម្រាប់គាត់ ដោយក្លឹបម្ចាស់ជើងឯក UCL ១៤សម័យ កំពុងឈានដល់វគ្គ ៤ក្រុម ចុងក្រោយក្នុងពានរង្វាន់់ UCL ឆ្នាំនេះ ដោយត្រូវតទល់នឹងគូសត្រូវចាស់ Bayern Munich។ ស្របពេលជាមួយគ្នានេះ នៅក្នុងពានលីគ Laliga ក្រុម Real Madrid កំពុងឈរនៅកំពូលតារាង មាន ៧៨ពិន្ទុ ខណ:ក្រុមលេខ២ Barcelona មាន ៧០ពិន្ទុ៕