គ្រូបង្វឹកក្រុមតោខៀវ Chelsea លោក Mauricio Pochettino បានលើកឡើងថា ខ្លួនមានការខកចិត្តយ៉ាងខ្លាំងចំពោះវិវាទរបស់កូនក្រុមទាំង៣រូបដែលបានដណ្តើមបាល់គ្នាយកទៅទាត់បាល់ពិន័យ១១ម៉ែត្រកំលុងការប្រកួតដែលម្ចាស់ផ្ទះ Chelsea បានលត់ភ្ញៀវ Everton ចាស់ដៃដោយលទ្ធផល ៦ទល់និង០កាលពីវេលាទាបភ្លឺឈានចូលព្រឹកថ្ងៃអង្គារនេះ។ជ័យជំនះនេះបានធ្វើអោយChelsea ឈរនៅលេខរៀងទី៩ ប៉ុន្តែមានគម្លាតត្រឹមតែ៣ពិន្ទុប៉ុណ្ណោះពីក្រុមលេខ៦ និង៧ គឺMan.Utd និង Newcastle ។
បើទោះបីជាទទួលបានលទ្ធផលយកឈ្នះដ៏លើសលប់បែបនេះក្តី ប៉ុន្តែអ្នកចាត់ការទូទៅសញ្ជាតិអាហ្សង់ទីន បានធ្វើការដាស់តឿន និង ព្រមានដល់កីឡាករដែលជាប់ពាក់ព័ន្ធនិងសកម្មភាពទាំងនេះមានដូចជា Nicolas Jackson និង Noni Madueke ដែលបានប្រកែកគ្នាដណ្តើមយកបាល់ បន្ទាប់ពីប្រធានក្រុមConor Gallagher បានយកបាល់ពី Madueke មកអោយ Palmer ប៉ុន្តែត្រូវបាន Jackson ព្យាយាមយកមកវិញ តែទីបំផុតគឺ Cole Palmer គឺជាអ្នកទទួលខុសត្រូវស៊ុតបញ្ចូលទីរៀងរាល់ការប្រកួត បានទាត់បាល់ពិន័យនោះបានសម្រេចនិងជាគ្រាប់ទី៤(Hat-Trick)សម្រាប់ខ្សែបម្រើស្លាបសញ្ជាតិអង់គ្លេស រូបនេះ។គិតត្រឹមសប្តាហ៏ទី៣១នេះ Palmerរកបានគ្រាប់បាល់៩គ្រាប់ហើយនៅរដូវកាលនេះ។
លោក Pochettino បានបញ្ជាក់យ៉ាងដូច្នេះថាៈ ខ្ញុំមិនអាចទទួលយកអាកប្បកិរិយាបែបនេះបានទេ។ សូមអោយខ្ញុំបានឃើញសកម្មភាពបែបនេះជាលើក ចុងក្រោយទៅចុះ។ប្រសិនបើយើងចង់ក្លាយជាក្រុមដ៏អស្ចារ្យ យើងត្រូវផ្លាស់ប្តូរ និងគិតឃើញប្រយោជន៏រួម។ Palmer គឺត្រូវសម្រេចចិត្តថាតើគាត់ចង់ផ្តល់បាល់ដល់មិត្តរួមក្រុមដែរឬទេ។ វាជារឿងសំខាន់ និងជារឿងអាម៉ាស់។ វាហាក់បីដូចជាក្រុមមួយដែលមានកីឡាករក្មេង”ៗត្រូវការរៀនសូត្រច្រើនទៀត ខ្ញុំចង់សុំទោសអ្នកគាំទ្រលើសកម្មភាពទាំងនេះ។ពួកគេត្រូវការរៀនសូត្របន្ថែមទៀតលើក្រមសីលធម៌ និងជំនាញវិជ្ជាជីវៈ។
ប្រភព:BBC
វីដេអូ:
ក្រៅពីការប្រកួតដណ្តើមខ្សែក្រវ៉ាត់ប្រភេទគីឡូ ៥៧ សង្វៀនគ្រុឌក៏បំពេញបំណងម្ចាស់ខ្សែក្រវ៉ាត់គ្រុឌគុនខ្មែរ ដោយដាក់ខ្សែក្រវ៉ាត់ម្នាក់មួយខ្សែ ក្នុងការដណ្តើម រួមជាមួយប្រាក់លានផងដែរ។ តើ សម្បត្តិ អាចគ្រងខ្សែក្រវ៉ាត់គ្រុឌ ៣ខ្សែ ឬក៏របូតមួយខ្សែទៅ ធន់ វណ្ណា? កីឡារស់ក្នុងសន្តិភាព កុំភ្លេចមកទស្សនា និងគាំទ្រកីឡាករគុនខ្មែរទាំងអស់គ្នា! ចូលរួមទស្សនាដោយសេរី និងគាំទ្រកីឡាករគុនខ្មែរ នៅថ្ងៃទី 4-5 ឧសភា 2024 នៅភូមិសង្កែវា ឃុំបវេល ស្រុកបវេល ខេត្តបាត់ដំបង ចាប់ពីម៉ោង 6:30 ល្ងាចតទៅ! អត្ថបទកំពុងចាប់អារម្មណ៍៖ ក្រៅពី ឈឿន ល្វៃ កីឡាករគុនខ្មែរទៀតគឺសុខ ធី ក៏មានវត្តមានទៅដណ្តើមខ្សែក្រវាត់នៅហុងកុងផងដែរ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស