(អាល្លឺម៉ង់)៖ ក្លឹបយក្ស Bayern Munich បានទាក់ទងជាមួយអតីតគ្រូបង្វឹកក្រុមអធិរាជស Real Madrid លោក Zinedine Zidane ដើម្បីពិភាក្សាអំពីការចង់បានរូបគាត់ ឲ្យមកដឹកនាំក្រុមនៅកីឡដ្ឋាន Allianz Arena នារដូវកាលក្រោយខាងមុខនេះ។
យោងតាមប្រភពសារព័ត៌មាន Marca ឥឡូវនេះ ក្លឹប Bayern បានចាត់វិធានការជាក់ស្តែងក្នុងការតែងតាំងលោក Zidane ជាគ្រូបង្វឹកថ្មីរបស់ពួកគេ ដោយធ្វើការទាក់ទងជាមួយអ្នកតំណាងរបស់បុរសសញ្ជាតិបារាំងអាយុ ៥១ឆ្នាំ រូបនេះជុំវិញតម្រូវការជំនួសតំណែងលោក Thomas Tuchel បន្ទាប់ពីដឹកនាំក្រុមខកខានគ្រងជើងឯកលីគ Bundesliga នារដូវកាលនេះ។
គួរជម្រាបផងដែរថា លោក Zidane ដែលបានដឹកនាំក្លឹប Real Madrid គ្រងជើងឯក UCL ៣ឆ្នាំជាប់ៗគ្នានោះ បានផ្តល់ភ្លើងខៀវមកកាន់ក្រុម Bayern សម្រាប់យុទ្ធនាការឆ្នាំ ២០២៤-២៥។ ផ្ទុយមកវិញ អាចទៅរួចឬមួយយ៉ាងណា បើលោក Zidane ត្រូវបានក្លឹបនៅអឺរ៉ុបជាច្រើន ក៏ចាប់អារម្មណ៍លើរូបគាត់ផងដែរនោះ៕
ប្រភព៖ SportsMole
បរទេសៈ ខ្សែបម្រើប្រយុទ្ធរបស់ក្រុម Liverpool គឺ Luis Diaz បានចេញមកឆ្លើយតបនឹងពាក្យចរចាមរាមដែលថា រូបគេអាចនឹងផ្ទេរទៅកាន់ក្រុម Barcelona ឬក៏លីកកំពូលអារ៉ាប់នៅទីផ្សារខាងមុខនេះ។ ក្នុងកិច្ចសម្ភាសន៍ជាមួយនឹង TNT Sports ក្នុងប្រទេសមីសុីក Diaz បាននិយាយថា គាត់រីករាយជាមួយនឹងជីវិតនៅទឹកដី Anfield និងបន្តបេជ្ញារក្សាកេរ្តិ៍តំណែលជាច្រើនទៀតនៅ Liverpool។អត្ថបទកំពុងចាប់អារម្មណ៍៖ Arsenal កំពុងសម្លឹងរកមើលអ្នកជំនួសខ្សែបម្រើឆើ្នមម្នាក់ដែលកំពុងធ្លាក់ទម្រង់លេងខ្លាំង សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះបីជារូបគេហាក់រៀងធ្លាក់ទម្រង់លេងកាលពីដើមរដូវកាលបន្តិចមែន ប៉ុន្តែប៉ុន្មានប្រកួតចុងក្រោយនេះរូបគេបានបង្ហាញសមត្ថភាពបានយ៉ាងល្អ និងតែងតែចំណែកមួយក្នុងការរកគ្រាប់បាល់សម្រាប់ក្រុមជានិច្ច។ បច្ចុប្បន្នកិច្ចសន្យារបស់គេនៅសល់ត្រឹមតែ២ឆ្នាំទៀតប៉ុណ្ណោះ ខណៈបច្ចុប្បន្នមិនទាន់មានការចរចារលើការបន្តកុងត្រាថ្មីនៅឡើយ ជាពិសេសមានការចាប់អារម្មណ៍ជាច្រើនពីក្លឹបដទៃទៀត។ Diaz ធ្លាប់បានបង្ហាញចំណាប់អារម្មណ៍ក្នុងក្លឹប Barcelona ផងដែល ខណៈបច្ចុប្បន្នរូបគេកំពុងផ្តោតលើការជួយឲ្យក្រុម Liverpool ឈ្នះពានរង្វាន់ Premier League សារជាថ្មី៕
