អ្នកចាត់ការវ័យក្មេងលោក Xabi Alonso បានបង្ហាអារម្មណ៍ពិតមិនគួរឱ្យជឿបន្ទាប់ពីគ្រូបង្វឹកអន្តរជាតិអេស្បាញរូបនេះដឹកនាំក្រុម Bayer Leverkusen អោយឈ្នះជើងឯក Bundesliga ជាលើកដំបូងរបស់ពួកខណៈនៅសល់៥ប្រកួតទៀតបិទបញ្ចប់រដូវកាលក៏ដោយ។ មានន័យថាជ័យជម្នះ ៥ទល់និង០ទល់ក្រុមភ្ញៀវWerder Bremen សម្រាប់ការប្រកួតសប្តាហ៏ទី២៩ បានធ្វើអោយក្រុមម្ចាស់ផ្ទះលើកពានដោយស្វ័យប្រវត្តិ បើទោះបីជាក្រុមការពារតំណែងជើងឯកចាស់ Bayern Munich បានផ្តួលក្រុម Cologne កាលពីថ្ងៃសៅរ៍ក៏ដោយ នោះក៏ព្រោះតែ Leverkusen មានពិន្ទុដាច់ពីក្រុមការពារតំណែងជើងឯក(Leverkusen ៧៩ ទល់និង Bayern Munich ៦៣)។
/origin-imgresizer.eurosport.com/2024/04/14/3949424-80202188-2560-1440.jpg)
គ្រូបង្វឹកវ័យ៤២ឆ្នាំរូបនេះបានយកស្រាបៀរចាក់លើខ្លួនឯងដែលជាការធ្វើតាមប្រពៃណីអាល្លឺម៉ង់បានបញ្ជាក់យ៉ាងដូច្នេះថាៈយើងត្រូវតែរីករាយនិងអបអរថ្ងៃនេះជាមួយក្រុមគ្រួសារ មិត្តភ័ក្តិ និងអ្នកគាំទ្ររបស់យើង»។ “នេះជារដូវកាលដំបូងរបស់ខ្ញុំក្នុងនាមជាគ្រូបង្វឹក អារម្មណ៍ពិតជាមិនគួរឱ្យជឿ។ ជាមួយគ្នានោះផងដែរក្រោយបញ្ចប់ការប្រកួតអ្នកគាំទ្របានសម្រុកទៅកាន់ទីលានស្ទើរតែទាំងស្រុង។អតីតខ្សែបម្រើ Arsenal លោក Granit Xhaka បានលើកឡើងផងដែរថាៈ ជាក់ស្តែងនៅដើមរដូវកាលនេះ យើងមិនអាចនឹកស្មានដល់នោះទេ។ ចំណែកឯកីឡាករវ័យក្មេងFlorian Wirtz ដែលធ្វើបាន Hat-trick (៣គ្រាប់)សម្រាប់ការប្រកួតនេះបានលើកឡើងថាៈខ្ញុំផ្ទាល់មិនអាចដឹងថារឿងនេះបានកើតឡើងទេតែការពិតវាបានកើតឡើងហើយ។
សមិទ្ធិផលដ៏សំខាន់របស់ Leverkusen បានបញ្ចប់យុគសម័យនៃការគ្រងជើងឯកអាឡឺម៉ង់របស់ Bayern Munich ចំនួន១១ឆ្នាំចុងក្រោយជាប់គ្នានោះនិងមិនដែលចាញ់គ្រប់ការប្រកួតទាំងអស់ក្នុងរដូវកាលនេះ ខណៈ Alonso សម្លឹងចង់ឈ្នះពាន German Cup និង Europa League ក៏នៅតែជាក្តីសង្ឃឹម។
ប្រភព:BBC
វីដេអូ:Leverkusen vs Weder Bremen
វីដេអូអបអរការឈ្នះពាន
