គ្រូបង្វឹកក្រុមបិសាចក្រហម Man. United លោក Erik ten Hag ទីបំផុតបានសារភាពបង្ហើបប្រាប់ថារូបលោកមានបំណងចុះហត្ថលេខានាំយក ខ្សែប្រយុទ្ធម្នាក់ទៀតនៅក្នុងពេលទីផ្សារដោះដូរកីឡាករបើកដំណើរការនៅបញ្ចប់រដូវក្តៅនេះ ។គួរកត់សម្គាល់ថាអ្នកចាត់ការសញ្ជាតិហូឡង់មានចក្ខុវិស័យមើលឃើញថាការរកគ្រាប់បាល់សម្រាប់រដូវកាលនេះ គួរតែគ្រប់គ្រាន់។ប៉ុន្តែជាក់ស្តែងការប្រកួត៣១សប្តាហ៏កន្លងទៅ និងនៅសល់ ៧សប្តាហ៏ទៀត ត្រូវបញ្ចប់រដូវកាលក្របខណ្ឌ Premier League នោះ បិសាចក្រហមរកបានគ្រាប់បាល់ស៊ុតបញ្ចូលទីបានត្រឹមតែ ៤៥ គ្រាប់ប៉ុណ្ណោះ និងជាចំនួនតិចបំផុតធៀបទៅក្រុមកំពូលទាំង ១០នៅរដូវកាលនេះ ។
ឆ្លើយតបបន្ថែមទាក់ទងបញ្ហាខ្សត់គ្រាប់បាល់នេះ´ អតីតគ្រូបង្វឹក Ajax បានលើកឡើងថាៈយើងពិតជាត្រូវការជម្រើសបន្ថែមទៀត។ការពិតចំនុចតំបន់ប្រយុទ្ធត្រូវតែមានកីឡាករ២នាក់លេងប្រដុំប្រសងគ្នា ។ មានមុខតំណែងមួយចំនួនដែលយើងមិនមានជម្រើសក្នុងរដូវកាលនេះតំណែងខ្សែប្រយុទ្ធ ទីតាំងខ្សែការពារឆ្វេងវាពិតជាធ្វើអោយប៉ះពាល់។
Man.United និងត្រូវធ្វើដំណើរទៅសួរសុខទុក្ខ Bournemouth នៅថ្ងៃសៅរ៍ក្រោយពីត្រូវម្ចាស់ផ្ទះផ្តួលពួកគេដល់កីឡាដ្ឋាន Old Trafford កាលពីដើមរដូវកាលនេះក្នុងលទ្ធផល ដល់ទៅ៣ទល់និង០នោះ។សម្រាប់ Man.Utd បច្ចុច្បន្នមានខ្សែប្រយុទ្ធជួរសញ្ជាតិដាណឺម៉ាកគឺ Rasmus Hojlund ដែលពួកគេទិញពី Atalanta ក្នុងតម្លៃ ៧២ លានផោនក្នុងកិច្ចសន្យារយៈពេល ៥ ឆ្នាំកាលពីខែសីហាឆ្នាំមុន។
កីឡាករវ័យ ២១ ឆ្នាំគឺជាអ្នកស៊ុតបញ្ចូលទីច្រើនជាងគេនៅរដូវកាលដំបូងនេះដោយរកបាន ១៣ គ្រាប់ក្នុងការបង្ហាញខ្លួន ៣៤លើកគ្រប់ក្របខណ្ឌប្រកួត។សម្រាប់ខ្សែប្រយុទ្ធម្នាក់ទៀតគឺ Marcus Rashford ស៊ុតបញ្ចូលទីបានតែ៨គ្រាប់ ក្រោយបង្ហាញខ្លួន ៣៨ប្រកួតខុសពីរដូវកាលមុនខ្សែប្រយុទ្ធស្លាបសញ្ជាតិអង់គ្លេសរកបានគ្រាប់បាល់រហូត៣០គ្រាប់ឯណោះ។
ចំណែកឯ កីឡាករអន្តរជាតិបារំាង Anthony Martial ដែលអវត្តមានតាំងពីការវះកាត់ក្រលៀនក្នុងខែមករា រកបានត្រឹមតែពីរគ្រាប់ក្នុងការបង្ហាញខ្លួន ១៩លើក ។
ប្រភព:BBC
វីដេអូ: Hojlund
បន្ទាប់ពីរកបានគ្រាប់បាល់ស៊ុតបញ្ចូលទីពីរគ្រាប់ទល់នឹង Bournemouth ក្នុងជំនួបមិត្តភាពកំដៅសាច់ដុំមុនបើករដូវកាលក្នុងទីក្រុង Chicago កាលពីថ្ងៃពុធខ្សែប្រយុទ្ធអន្តរជាតិដាណឺម៉ាក Rasmus Hojlund របស់ក្រុមMan. United អាចនិងត្រូវក្លឹបដាក់លក់ ក្នុងតម្លៃត្រឹមតែ 30លានផោនប៉ុណ្ណោះ។ប្រភពពី BBC បានចុះផ្សាយថាៈទោះបីជាបានឆ្លើយសំនួរអ្នកកាសែតក្រោយចប់ការប្រកួតថាសាម៉ីខ្លួនចង់បន្តអាជីពនៅទឹកដី Old Trafford ប៉ុន្តែការចាប់អារម្មណ៍ចង់ចុះហត្ថលេខាលើខ្សែប្រយុទ្ធស្លូវេនី Benjamin Sesko របស់ RB Leipzig នៅតែធ្វើអោយអនាគតរបស់កីឡាករអន្តរជាតិន័រវេរូបនេះជួបភាពមិនច្បាស់លាស់។អត្ថបទកំពុងចាប់អារម្មណ៍៖ Son ពណ៌នាពី Tottenham និងត្រៀមចាកចេញទៅក្លឹបថ្មី(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ប្រសិន Hojlund ត្រូវបានលក់ក្នុងតម្លៃ 30 លានផោន វានឹងជាការខាតបង់សម្រាប់ Man Utd ដោយសារតែក្លឹបបានចុះហត្ថលេខានាំយករូបគេក្នុងតម្លៃរហូតដល់ទៅ 43 លានផោនឯណោះពីក្លឹបAtalantaហើយ រូបគេមានកិច្ចសន្យា ២ ឆ្នាំទៀតជាមួយក្លឹប។ United បានចំណាយប្រាក់ជិត 130 លានផោននៅរដូវក្តៅនេះដើម្បីទិញកីឡាករឆ្នើមមានដូចជា Bryan Mbeumo និង Matheus […]
