ប្រធានក្រុមហង្សក្រហម Liverpool កីឡាករ Virgil van Dijk បាននិយាយថា លទ្ធផលស្មើគ្នា ២ទល់និង២នៅលើទឹកដីក្រុម Manchester United កាលពីថ្ងៃអាទិត្យ ហាក់បីដូចជារឿងបរាជ័យក្នុងការប្រជែងពានដូច្នេះដែរពោលគឺបន្ទាប់ពីក្រុមភ្ញៀវបានខកខានឱកាសឡើងមកឈរនៅកំពូលតារាងដោយបាត់បង់ពីរពិន្ទុនោះ។ មានន័យថាទោះបីជាMan Utd បង្ហាញទម្រង់លេងដ៏លំបាកក្នុងរដូវកាលនេះក៏ដោយ Liverpool បានបរាជ័យក្នុងការយកឈ្នះលើក្រុមលោក Erik ten Hag ក្នុងការជួបគ្នាបីលើកក្នុងរដូវកាលនេះ។ ក្នុងនោះMan.United បានទម្លាក់ Liverpool ចេញពីព្រឹត្តការណ៏ FA Cup វគ្គ១/៤ផ្តាច់ព្រ័ត្រដ៏ កាលពីបីសប្តាហ៍មុន ក្រោយលទ្ធផលស្មើ 0-0 នៅលើទឹកដី Anfield ក្នុងខែធ្នូសម្រាប់ពាន EPL។
ខ្សែការពារស្លាបសញ្ជាតិហូឡង់ Van Dijk បានបញ្ជាក់បន្ថែមយ៉ាងដូច្នេះថាៈ វាមានអារម្មណ៍ដូចជាការបាត់បង់ឳកាសទៅហើយ។ វាជាកំហុសរបស់យើងម្តងទៀត។យើងមានឱកាសច្រើនណាស់ ហើយយើងគួរតែបញ្ចប់ការប្រកួតដោយជ័យជំនះ។ តែបើយើងខកខានសម្រាប់រដូវកាលចុងក្រោយនោះលោក Jurgen Klopp មិនអាចដឹកនាំក្រុមក្លាយជាក្រុមដែលឈ្នះពាន ២០ដងស្មើគ្នានិងកំនត់ត្រារបស់ Man.Utd ទេ។
ក្រុមភ្ញៀវLiverpool ដែលបានគ្រប់ដណ្តប់ការប្រកួតច្រើនជាងម្ចាស់ផ្ទះ ត្រូវការចាំបាច់បាល់ប៉េណាល់ទី Mohamed Salah ចុងក្រោយ ដើម្បីជៀសវាងបរាជ័យបន្ទាប់ពីLuis Diaz រកបានគ្រាប់បាល់នាំមុខក៏ដោយ ប៉ុន្តែការស៊ុតបាល់បញ្ចូលទីវាយបក២គ្រាប់នាំមុខវិញរបស់ Bruno Fernandes និង Kobbie Mainoo គឺធ្វើអោយក្រុមភ្ញៀវមានភាពលំបាកច្រើននៅតង់ទី២។ លទ្ធផលស្មើនេះបានធ្វើឱ្យ Liverpool មានពិន្ទុស្មើក្រុមនាំមុខតារាង Arsenal ៧១ដូចគ្នាប៉ុន្តែមានគ្រាប់បាល់ស៊ុតបញ្ចូលទីតិចជាង៩គ្រាប់។ ទោះយ៉ាងណាLiverpool នាំមុខ Manchester City ត្រឹមតែមួយពិន្ទុប៉ុណ្ណោះជាមួយនឹងការប្រកួតចំនួន ៧ ដែលនៅសល់ក្នុងការប្រជែងដណ្តើមពាន។
ប្រភព:Besoccer
