(អារ៉ាប៊ីសាអូឌីត)៖ គ្រូបង្វឹកសញ្ជាតិព័រទុយហ្គាល់លោក Jose Mourinho បានបង្ហាញអំពីហេតុផល ៣យ៉ាង ដែលគាត់បដិសេធសំណើរពីក្លឹប Al Shabab របស់ Saudi Pro League កាលពីខែមករាកន្លងទៅ នៅពេលដែលគាត់នៅ Roma។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
បុរសវ័យ ៦១ឆ្នាំ ត្រូវបានបណ្តេញចេញពីតួនាទីជាគ្រូបង្វឹកក្លឹបយក្សធំៗ ៥ចុងក្រោយមានដូចជា (Chelsea, Real Madrid, Manchester United, Tottenham និង Roma) ។ យ៉ាងណាមិញ លោក Jose បាននិយាយថា «ខ្ញុំគិតថា Cristiano បានត្រួសត្រាយផ្លូវកីឡាករជាច្រើនឲ្យផ្លាស់ទៅអារ៉ាប៊ីសាអូឌីត ក្នុងការរស់នៅទីនោះ រីករាយនៅទីនោះ ដើម្បីសប្បាយជាមួយនឹងប្រទេសអភិវឌ្ឍន៍ខ្លាំង តែផ្ទុយស្រឡះនៅក្នុងវិស័យបាល់ទាត់»។
លោក Jose បានបន្ថែមថា «ខ្ញុំទទួលបានសំណើមួយ ហើយពិតណាស់ សេដ្ឋកិច្ចពិតជាសំខាន់។ ខ្ញុំបានបដិសេធ ព្រោះអ្វីដែលសំខាន់ជាងគេសម្រាប់ខ្ញុំនោះគឺ ក្លឹប Roma , គោលដៅនៃបាល់ទាត់ទ្វីបអឺរ៉ុប និងការប្តេជ្ញាចិត្តផងដែរ»។ លើសពីនេះ គាត់បាននិយាយថា គាត់មកប្រទេសអារ៉ាប់ ដោយសារតែគាត់មកសប្បាយត្រឹមពេល ៣ថ្ងៃ ដើម្បីបានមើលប្រដាល់ និងមើលការប្រណាំងរថយន្ត Formula 1 ជាមួយមិត្តភក្តិរបស់គាត់តែប៉ុណ្ណោះ៕
ប្រភព៖ SPORTbible & GOAL
