(អង់គ្លេស)៖ ក្រុមកាំភ្លើងធំ Arsenal និងក្រុមមាន់ខ្នាយមាស Tottenham Hotspur បានត្រៀមខ្លួនដាក់សំណើដេញថ្លៃប្រមាណ ១០០លានអឺរ៉ូ ទៅលើខ្សែបម្រើប្រយុទ្ធស្លាប Raphinha វិញជំនួសឲ្យការចង់បានកីឡាករវ័យ ១៦ឆ្នាំ Lamine Yamal ដែលរូបគេត្រូវបានក្លឹប PSG ដាក់សំណើរ ២០០លានអឺរ៉ូ កាលពីសប្តាហ៍មុន ប៉ុន្តែត្រូវបានក្លឹប Barcelona ច្រានចោលសំណើរដ៏ធំសម្បើមនេះ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គួរកត់សម្គាល់ថា កីឡាករសញ្ជាតិប្រេស៊ីល Raphinha រកបាន ១៥គ្រាប់ និង Assists ឲ្យមិត្តរួមក្រុមបាន ២២ដង ក្នុងការបង្ហាញខ្លួន ៧៨លើក ចាប់តាំងពីចូលរួមជាមួយក្រុម Barcelona ពីក្រុម Leeds United ក្នុងឆ្នាំ ២០២២។ ថ្មីៗនេះ Raphinha បាន Assists ២គ្រាប់ ក្នុងជំនួបជ័យជម្នះនៅ UCL លើក្រុម Napoli ៣:១ ផងដែរ។
គួរជម្រាបដែរថា Raphinha មានកិច្ចសន្យាកុងត្រាជាមួយ Barcelona ដល់ឆ្នាំ ២០២៧ ខណៈរូបគេក៏មានចិត្តស្ទាក់ស្ទើរក្នុងការចាកចេញពីទឹកដីអេស៉្បាញផងដែរ។ ស្របពេលជាមួយគ្នានេះ ក្លឹបដែលអាចមានលទ្ធភាពបញ្ចុះបញ្ចូល Raphinha ឲ្យចុះហត្ថលេខាចូលរួមជាមួយនោះគឺ Arsernal ព្រោះថាកាំភ្លើងធំមានកីឡាករកំពុងឡើងជើងច្រើន និងជាទីគាប់ចិត្តរបស់កីឡាករវ័យក្មេងផងដែរ៕
ប្រភព៖ SportsMole
