(អង់គ្លេស)៖ យោងតាមអ្នកសារព័ត៌មានដ៏ល្បីឈ្មោះលោក Fabrizio Romano បានអះអាងនៅលើបណ្តាញសង្គម X ជាផ្លូវការរបស់គាត់ថា ខ្សែការពារសញ្ជាតិព័រទុយហ្គាល់ Cedric Soares នឹងចែកផ្លូវជាមួយក្រុមកាំភ្លើងធំ ​Arsenal ដោយគ្មានតម្លៃផ្ទេរ នៅចុងបញ្ចប់នៃរដូវកាលនេះ។ ទន្ទឹមនឹងនេះ ក្លឹបជាច្រើននៅអឺរ៉ុប បានចាត់ទុកខ្សែការពារវ័យ ៣២ឆ្នាំ រូបនេះជាជម្រើសគោលដៅកំពូលម្នាក់ សម្រាប់រដូវក្តៅលើការផ្ទេរដោយឥតគិតថ្លៃ។

គួរកត់សម្គាល់ថា Arsenal កំពុងកំណត់គោលដៅទិញលក់កីឡាករថ្មីៗជាច្រើននាក់ថែមទៀត ដើម្បីពង្រឹងក្រុម។ កាលពីដើមខែនេះ លោក Ornstein បានរាយការណ៍មកថា Arsenal បានចាប់អារម្មណ៍លើកីឡាករ Benjamin Sesko, Viktor Gyokeres និង Evan Ferguson ផងដែរ។ ជម្រាបផងដែរថា Arsenal ឈានទៅវគ្គ ៨ ក្រុមចុងក្រោយនៃក្របខ័ណ្ឌ UEFA Champions League ជាលើកដំបូងក្នុងរយៈពេល ១៤ឆ្នាំ៕

ប្រភព៖ SportsMole