(អង់គ្លេស)៖ អ្នកគាំទ្រក្រុមបិសាចក្រហម Manchester United គិតថាការទស្សន៍ទាយរបស់អតីតគ្រូបង្វឹកលោក Jose Mourinho កាលពីជាង ៦ ឆ្នាំមុនគឺពិតជាត្រឹមត្រូវពិតមែន ដោយក្នុងអំឡុងឆ្នាំ២០១៨ លោក Jose ធ្លាប់បានអះអាងថាខ្សែការពារស្លាប Diogo Dalot នឹងទទួលបានភាពជោគជ័យនៅក្លឹបនាថ្ងៃអនាគត «ក្នុងពេល១០ឆ្នាំខាងមុខ» ជាក់ជាមិនខាន។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនោះលោក Jose បានពន្យល់បន្ថែមថា «Dalot មានគុណសម្បត្តិទាំងអស់ដែលខ្សែការពារត្រូវការ ទាំងកាយសម្បទា ភាពវៃឆ្លាត បច្ចេកទេស និងគុណភាពបច្ចេកទេសរួមបញ្ចូលគ្នាជាមួយនឹងចិត្តគំនិតចាស់ទុំរបស់កីឡាករផងដែរ»។ ការលើកឡើងជាថ្មីមកនេះ គឺនៅពេលដែល Man Utd បានយកឈ្នះ Liverpool ៤:៣ នៅពាន FA CUP កាលពីថ្ងៃអាទិត្យកន្លងទៅ ដោយ Diogo Dalot បានបង្ហាញពីវត្តមានដែលអាចទុកចិត្តបាននៅតំបន់ខ្សែការពារខាងស្តាំ៕

ប្រភព៖ SPORTbible