(អង់គ្លេស)៖ យោងតាមសារព័ត៌មាន The Mirror បានឱ្យដឹងថា ក្លឹបបិសាចក្រហម Manchester United បានត្រៀមខ្លួនរួចជាស្រេចក្នុងការបង្កើនប្រាក់បៀវត្សរ៍ ២ដង ដល់កីឡាករ Kobbie Mainoo នាពេលបច្ចុប្បន្ន ខណៈដែលក្លឹបសម្លឹងរកការចុះកិច្ចសន្យាថ្មីរហូតដល់ឆ្នាំ ២០៣០ ឯណោះ។ ជាក់ស្តែង ខ្សែបម្រើវ័យ ១៨ឆ្នាំ មានប្រាក់ឈ្នួលជាមធ្យម ១០,០០០ផោន ក្នុង១សប្តាហ៍ ខណៈនឹងត្រូវដំឡើងដោយស្វ័យប្រវត្តិកើនដល់ ២០,០០០ផោន ក្នុង១សប្តាហ៍។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរកត់សម្គាល់ថា Mainoo ឥឡូវនេះត្រូវបានចាត់ទុកថាជាផ្នែកមួយដ៏សំខាន់ក្រុមជម្រើសដំបូង ដែលបានបង្ហាញពីទេពកោសល្យដ៏ល្អ និងការវិវត្តន៍ខ្លួនបានយ៉ាងឆាប់រហ័ស ធ្វើឲ្យអ្នកគាំទ្របិសាចក្រហម ស្ងើចសរសើរដល់រូបគេ ក្នុងប៉ុន្មានប្រកួតចុងក្រោយនេះ៕

ប្រភព៖ SportsMole