(អង់គ្លេស)៖ ក្លឹបបិសាចក្រហម Manchester United កំពុងស្វែងរកអ្នកជំនួសតំណែងលោក Erik ten Hag ហើយបានកំណត់បានបេក្ខភាព ៣ នាក់ កាលពីថ្ងៃពុធ តាមរយៈព័ត៌មាន ESPN បានអះអាងថា Man Utd បានវាយតម្លៃលើលោក Roberto De Zerbi, Thomas Frank និង Gareth Southgate ជាអ្នកស្នងតំណែង ខណៈដែលអនាគតបុរសសញ្ជាតិហូឡង់ អាចនឹងត្រូវបានក្លឹបបណ្តេញចេញពី Old Trafford នៅរដូវកាលក្រោយ។ ជាការពិតណាស់ សារព័ត៌មាន TeamTalk ក៏បានអះអាងដែរថា ម្ចាស់ក្លឹបថ្មី ២៥% លោក Ratcliffe និងមន្ត្រីរបស់គាត់បានបើក “ពិភាក្សាផ្ទៃក្នុង” អំពីការផ្លាស់ប្តូរដ៏គួរឱ្យភ្ញាក់ផ្អើលមួយ និងកំពុងវាស់ស្ទង់អត្តសញ្ញាណ និងលទ្ធភាពលើអ្នកចាត់ការទូទៅក្លឹប Bologna លោក Thiago Motta ជាអ្នកជំនួសតំណែងដ៏មានសក្តានុពលនៅ Old Trafford។
គួរកត់សម្គាល់ថា លោក Motta គឺជាអតីតខ្សែបម្រើឆ្នើមមួយរូប របស់ក្លឹប Barcelona និង Paris Saint-Germain ហើយបានក្លាយជាគ្រូបង្វឹក និងបានដឹកនាំក្រុម Bologna ទៅកាន់ចំណាត់ថ្នាក់លេខ៤ នៅក្របខ័ណ្ឌ Serie A ក្នុងប្រទេសអ៊ីតាលី។ ទន្ទឹមនឹងនេះ លោក Motta មានវ័យ ៤១ឆ្នាំ ត្រូវបានគេមើលឃើញថា ស្ថិតក្នុងចំណោមគ្រូបង្វឹកវ័យក្មេងដ៏ល្អបំផុត ដែលកំពុងដឹកនាំនៅទ្វីបអឺរ៉ុប៕
ប្រភព៖ SportsMole
ក្លឹបមាន់ខ្នាយមាស Tottenham Hotspur កំពុងពិភាក្សាជាមួយក្រុម Los Angeles FC ជុំវិញការផ្ទេរកីឡាករ Heung-min Son ដោយខ្សែប្រយុទ្ធរូបនេះយល់ព្រមចូលរួមជាមួយក្រុមនៅ MLS ហើយក្រោយចំណាយពេល១ទសវត្សនៅLondon Stadium ។ គួររំលឹកថា កីឡាករមានវ័យ 33 ឆ្នាំដែលបានចូលរួមជាមួយ Spurs ក្នុងឆ្នាំ 2015ពីក្រុម Leverkusen គ្រោងនឹងលេងការប្រកួតចុងក្រោយរបស់គាត់សម្រាប់ក្លឹបជាមួយ Newcastle ក្នុងការប្រកួតមិត្តភាពមុនបើករដូវកាលនៅថ្ងៃអាទិត្យនេះ។Son បានធ្វើសន្និសិទកាសែតមួយជាមួយគ្រូបង្វឹកថ្មីរបស់ Tottenham លោក Thomas Frank កាលពីថ្ងៃសៅរ៍ ហើយបានបញ្ជាក់ជាសាធារណៈនូវការសម្រេចចិត្តរបស់គាត់ក្នុងការចាកចេញក្រោយចំណាយលេងនៅក្លឹបមានមូលដ្ឋាននៅភាគខាងជើងទីក្រុងឡុងដ៍។អត្ថបទកំពុងចាប់អារម្មណ៍៖ Son ពណ៌នាពី Tottenham និងត្រៀមចាកចេញទៅក្លឹបថ្មី(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស លក្ខខណ្ឌផ្ទាល់ខ្លួនត្រូវបានយល់ព្រមរួចហើយ ខណៈដែលការពិភាក្សារវាងក្លឹបទាំងពីរស្ថិតក្នុងដំណាក់កាលជឿនលឿនមួយ ដោយ Son គ្រោងនឹងចូលលេងរួមក្រុមសាជាថ្មី ជាមួយអតីតមិត្តរួមក្រុម Tottenham Hugoគឺអ្នកចាំទីអន្តរជាតិបារាំងHugo Lloris នៅអាមេរិកនោះ។ Son បានបញ្ជាក់យ៉ាងដូច្នេះថាៈដប់ឆ្នាំកន្លងមកវាជាក្លឹបដ៏ស្រស់ស្អាតមួយដែលមានអ្នកគាំទ្រដ៏ល្អ […]
