(អេស៉្បាញ)៖ យោងតាមសារព័ត៌មាន Fichajes បានឲ្យដឹងថា ក្លឹបអធិរាជស Real Madrid កំណត់អត្តសញ្ញាណ និងបង្កើនចំណាប់អារម្មណ៍លើខ្សែបម្រើ Nicolo Barella របស់ក្លឹប Inter Milan ដែលរូបគេនឹងក្លាយជាអ្នកជំនួសតំណែងតារាឆ្នើម Luka Modric ប្រសិនបុរសវ័យ ៣៨ឆ្នាំ សម្រេចចែកផ្លូវជាមួយក្លឹបនៅចុងបញ្ចប់នៃរដូវកាលនេះ។
របាយការណ៍នេះបន្ថែមថាស្ថានភាពហិរញ្ញវត្ថុរបស់ Inter Milan អាចដំណើរការឡើងវិញ តាមការពេញចិត្តរបស់ Real Madrid ដែលត្រូវបានគេរំពឹងថានឹងមានការចុះហត្ថលេខាសំខាន់ៗ សម្រាប់រដូវក្តៅខាងមុខ។ ទោះបីជាយ៉ាងណាក៏ដោយ Inter Milan មិនបានត្រៀមខ្លួនដើម្បីចែកផ្លូវជាមួយ Barella យ៉ាងងាយស្រួលនោះទេ បើទោះបីជាពួកគេមានបញ្ហាផ្នែកហិរញ្ញវត្ថុ ក៏ពួកគេនឹងត្រូវទាមទារ ៦០លានអឺរ៉ូ សម្រាប់ខ្សែបម្រើរូបនេះ។
លើសពីនេះ វានៅតែត្រូវមើលថាតើ Barella នឹងចាប់អារម្មណ៍ក្នុងការចាកចេញពីក្លឹប Inter ដែររឺទេ ខណៈដែលរបាយការណ៍ជាច្រើនបាននិយាយកាលពីពេលថ្មីៗនេះថា កីឡាករវ័យ ២៧ឆ្នាំ គឺជិតនឹងដល់ការបន្តកុងត្រាថ្មីរបស់គាត់នៅ San Siro រហូតដល់ឆ្នាំ ២០២៩ ឯណោះ។ គួរជម្រាបដែរថា កីឡាករជម្រើសជាតិអ៊ីតាលី បានបង្ហាញខ្លួនសរុប ២២៣ប្រកួត ឱ្យ Inter នៅគ្រប់ការប្រកួតទាំងអស់ ដោយស៊ុតបញ្ចូលទីបាន ២២គ្រាប់ និងបញ្ជូនបាល់ឱ្យមិត្តរួមក្រុមបាន ៤៩ដង រួមទាំងការស៊ុតបាល់បញ្ចូលទីចំនួន ២គ្រាប់ និង Assist ៥ដង ក្នុងចំណោម ៣៦ប្រកួត នារដូវកាលនេះ៕
ប្រភព៖ SportsMole
ប្រភពពីគេហទំព័រ Independent បានចុះផ្សាយថាក្រុមកាំភ្លើងធំ Arsenal កំពុងដុតដៃដុតជើងបន្ថែមទៀតដើម្បីទទួលបានកិច្ចព្រមព្រៀងសម្រាប់កីឡាករ Eberechi Eze របស់ក្លឹបមានមូលដ្ឋានរួមទីក្រុងឡុងដ៍គឺ Crystal Palace ។ការបង្កើនសកម្មភាពនេះកើតមានឡើងបន្ទាប់ពិក្រុមលោកMikel Arteta ទើបតែបញ្ចប់ការចុះហត្ថលេខានាំយកកីឡាករ Viktor Gyökeres ពីក្រុម Sporting CP មករួមក្រុមរួចមក។Eze ខ្សែបម្រើអន្តរជាតិអង់គ្លេសនិងត្រៀមបញ្ចប់ការផ្ទេរមកទឹកដី Emirates ក្នុងរយៈពេលប៉ុន្មានសប្តាហ៍ខាងមុខនេះ ខណៈ Arsenal សង្ឃឹមថានឹងចរចាតម្លៃប្រមាណ 60 លានផោន ដោយប្រសើរជាងការចំណាយលើលក្ខខណ្ឌទិញផ្តាច់កុងត្រាប្រមាណ 68 លានផោន។ ទោះជាយ៉ាងណាកិច្ចព្រមព្រៀងអាចនិងកើតមានឡើងឆាប់ៗក្រោយក្លឹបទាំងពីរមានឆន្ទៈក្នុងការបត់បែននិងពិភាក្សាគ្នា។អត្ថបទកំពុងចាប់អារម្មណ៍៖ Arsenal បង្កើនការចរចារផ្ទេរយកកីឡាករឆ្នើមពីក្លឹបរួមទីក្រុងឡុងដ៍(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស សម្រាប់ Arsenal ចាំបាច់ត្រូវបញ្ចេញកីឡាករយ៉ាងហោចណាស់ក៍ម្នាក់រឺក៏ច្រើនជាងនេះដែរមុនពេលបញ្ចប់កិច្ចព្រមព្រៀង Eze ខណៈកីឡាកររដូវកាលចាស់លេងនៅក្លឹប Fulham ក្នុងលក្ខណ្ឌខ្ចីជើងគឺ Reiss Nelson អាចត្រូវបានរួមបញ្ចូលជាផ្នែកមួយនៃកិច្ចព្រមព្រៀងនេះ។ ប្រភព:Dailypost វីឌេអូ:
