ខ្សែការពារ Jurrien Timber របស់ក្រុមកាំភ្លើងធំ Arsenal បានចាកចេញពីជំហានអវិជ្ជមាន និង កំពុងវិលត្រលប់មកក្នុងអការៈធូរស្បើយពីបញ្ហារបួសជង្គង់ធ្ងន់ធ្ងរឡើងវិញ។កីឡាករអន្តរជាតិហូឡង់ដែលដែលជាសមាជិកថ្មីរបស់ក្លឹបកាលពីដើមរដូវកាលនេះបានចូលរួមហ្វឹកហាត់វិញជាមួយក្រុមកាលពីថ្ងៃពុធ ដែលជាលើកទីមួយហើយដែលគាត់ត្រូវបានគេថតរូបនៅលើវាលស្មៅគិតចាប់តាំងពីជួបរឿងអកុសលបញ្ហារហែកសរសៃពួរ ACL ជង្គង់ខាងស្តាំកំលុងពេលប្រកួតបើករដូវកាលសប្តាហ៏ទី១ជាមួយនឹងក្រុម Nottingham Forest។
Timber បានចូលរួមជាមួយ Arsenal ក្នុងតម្លៃ ៣៤ លានផោនពីក្រុម Ajax ក្នុងខែកក្កដាឆ្នាំមុន ជាមួយនឹងកិច្ចព្រមព្រៀងតម្លៃខ្លួនអាចកើនដល់ ៣៨.៥ លានផោន ។ទោះយ៉ាងណា Timber អាចនិងលេងតួនាទីខុសពីអ្វីដែលរូបគេធ្លាប់លេង ពោលគឺលេងនៅតួនាទីខ្សែការពារខាងឆ្វេងជំនួសវិញសម្រាប់រដូវកាលដែលនៅសេសសល់នេះខណៈ រយៈកាលកន្លងមកខ្សែការពារ Ben White និង Oleksandr Zinchenko បានលេងនៅតួនាទីទាំងអស់របស់Timber រួចទៅហើយ។បើទៅះបីជាកំលុងពេលAjax ខ្សែការពារវ័យក្មេងរូបនេះធ្លាប់បានលេងតួនាទីទាំងសងខាង និងនៅការពារកណ្តាលក៏ដោយ ប៉ុន្តែដៃគូដែលលេងយល់ចិត្តគ្នារវាង Gabriel Magalhaes និង William Saliba ក៏និងអាចធ្វើអោយគ្រូបង្វឹកលោក Mikel Arteta និងធ្វើការសម្រេចចិត្តសាជាថ្មីយ៉ាងប្រាកដប្រជានោះ។
ការប្រកួតបន្ទាប់របស់ Arsenal និងត្រូវធ្វើដំណើរទៅកាន់កីឡដ្ឋាន Bramall Lane ដើម្បីប្រឈមនិងក្រុមដែលមានមូលដ្ខាននៅភាគខាងត្បូងទីក្រុងYorkshire នោះគឺ Sheffield United នៅយប់ថ្ងៃចន្ទ ខណៈពួកគេបច្ចុប្បន្នមានគម្លាតពីក្រុមនាំមុខតារាង Liverpool ត្រឹមតែពីរពិន្ទុប៉ុណ្ណោះ។
ប្រភព:sportsmole
វីដេអូ:
