(អង់គ្លេស)៖ បើទោះជាការប្រកួតមុនបរាជ័យក៏ដោយ ប៉ុន្តែគ្រូបង្វឹកក្រុមបិសាចក្រហម Manchester United លោក Erik ten Hag បានអះអាងថា រូបគាត់នៅតែមានការគាំទ្រពីសហម្ចាស់ក្លឹបថ្មី ២៥% លោក Sir Jim Ratcliffe ខណៈមានការជជែកវែកញែកយ៉ាងខ្លាំងពីសំណាក់អ្នកគាំទ្រមួយចំនួន ជុំវិញរកបានអ្នកជំនួសលោក Ten Hag នៅ Old Trafford ។

ស្របពេលជាមួយគ្នានេះ របាយការណ៍ថ្មីៗ បានអះអាងថា គ្រូបង្វឹកអាល្លឺម៉ង់លោក Julian Nagelsmann ត្រូវបានកំណត់ថាជាបេក្ខជនម្នាក់ដើម្បីស្នងតំណែងលោក Ten Hag ខណៈដែលលោក Roberto de Zerbi និង Zinedine Zidane ក៏ត្រូវបានផ្សារភ្ជាប់ជាមួយនឹងតួនាទីការងារនេះផងដែរ។

យ៉ាងណាមិញ ទោះបីជាមានពាក្យចចាមអារ៉ាមអំពីតំណែងរបស់គាត់នៅ United ក៏ដោយ លោក Ten Hag ទទូចថាគាត់មិនអើពើនឹងសម្តីអ្នកខាងក្រៅឡើយ ហើយមានទំនុកចិត្តថាគាត់មានការគាំទ្រខ្លាំងពីលោក Ratcliffe ៕

ប្រភព៖ SportsMole