បរាជ័យវគ្គផ្តាច់ព្រ័ត្រព្រឹត្តការណ៏ប្រកួត EFL Cup របស់ក្រុម Chelsea ហាក់ត្រូវបានរំសាយភាពសោកសៅបន្តិចម្តង ខណៈក្រុមលោកPochettinoនិងត្រូវបើកទ្វារកីឡដ្ឋាន Stamford Bridge ដើម្បីធ្វើការប្រកួតព្រឹត្តការណ៏ FA Cup ដើម្បីទទួលក្រុមភ្ញៀវ Leeds United ក្នុងការប្រកួតជុំទីប្រាំនៅវេលាម៉ោង២និង៣០នាទីរំលងអធ្រាតឈានចូលថ្ងៃព្រហស្បត្ត៏ទី ២៩កុម្ភៈស្អែកនេះ។មានន័យថាខណៈពេលដែលក្រុមតោខៀវរងបរាជ័យក្នុងលទ្ធផល១ទល់និង០ ក្រោមថ្វីជើងLiverpool នាទឹកដី Wembley កាលពីថ្ងៃអាទិត្យ ក្រុមលោក Daniel Farke បានផ្តួលក្រុមនាំមុខតារាង Chanpionship គឺ Leicester City 3-1 ក្នុងក្របខ័ណ្ឌ Championship កាលពីយប់ថ្ងៃសុក្រ។ ៣ប្រកួតចុងក្រោយនៅក្របខណ្ឌ FA Cup សម្រាប់ Chelsea គឺធ្វើបានល្អ មិនដែលចាញ់ឈ្នះ២ស្មើ១ ខណៈ Leeds Utd ដូចគ្នាគឺឈ្នះ២ស្មើ១។
១.ប្រវត្តិជួបគ្នា
ជួបគ្នា៥ដងចុងក្រោយគ្រប់ក្របខណ្ឌប្រកួត Chelsea ឈ្នះ៣ Leeds ស្មើ១ និងឈ្នះ១ ខណៈការប្រកួតចុងក្រោយនៅដើមខែមិនា ២០២៣ ក្រុម Chelsea បានផ្តួលពួកគេ ក្នុងលទ្ធផល ១ទល់និង០។
២.ពត៌មានក្រុមChelsea(ម្ចាស់ផ្ទះ)
Thiago Silva នឹងត្រូវវាយតម្លៃសម្រាប់ខ្សែការពារកណ្តាលដែលមានបទពិសោធន៏រូបនេះថាអាចចូលលេងបានលឿនខុសពីការរំពឺងទុកក៏ដោយ។អ្នកចាត់ការសញ្ជាតិអាហ្សង់ទីន លោក Mauricio Pochettino មិនមានកីឡាកររបួសតិចជាង ៧ នាក់សម្រាប់ការស្វាគមន៍ Leeds ។ Robert Sanchez, Christopher Nkunku, Noni Madueke និង Trevoh Chalobah អាចនឹងវិលទៅកាន់ក្រុមបន្ទាប់ពីការប្រកួតវគ្គផ្តាច់ព្រ័ត្រ Carabao Cup កាលពីថ្ងៃអាទិត្យ។
-ជម្រើស១១នាក់ដំបូងអាចនិងចូលលេងSanchez; Gusto, Gilchrist, Chalobah, Colwill; Gallagher, Fernandez; Madueke, Palmer, Mudryk; Sterling
-ទម្រង់លេងអាចនិងយកមកប្រើប្រាស់៤-២-៣-១
៣.ពត៌មានក្រុមLeeds(ភ្ញៀវ)
Sam Bryam, Stuart Dallas, Karl Darlow និង Pascal Struijk អវត្តមាន។
Ethan Ampadu ដែលបានចាកចេញពី Chelsea គ្រោងនឹងចាប់ផ្តើមជាកីឡាករដែលលេងនៅតំបន់ការពារ។Connor Roberts ក៏អាចចាប់ផ្តើមនៅខ្សែការពារស្តាំផងដែរ ក្រោយមិនបានចូលលេងពេលផ្តួល Plymouth ក្នុងការប្រកួត FA Cupចុងក្រោយ ។
-ជម្រើស១១នាក់ដំបូងអាចនិងចូលលេងMeslier; Roberts, Ampadu, Cooper, Firpo; Gruev, Kamara; Gnonto, Gray, Anthony; Piroe
-ទម្រង់លេងអាចនិងយកមកប្រើប្រាស់៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Chelsea ២:១ Leeds Utd
ប្រភព:whoscored &90min&sportsmole
