(អាល្លឺម៉ង់)៖ ទីបំផុត! ខ្សែប្រយុទ្ធឆ្នើម Marco Reus ត្រូវបានគេរំពឹងថា អាចនឹងចាកចេញពីក្លឹប Borussia Dortmund នៅរដូវក្តៅនេះ បន្ទាប់ពីចំណាយពេលរួមរស់អស់ជាង ១២ឆ្នាំ ជាមួយក្លឹប។ រំលឹកផងដែរថា កីឡាករអន្តរជាតិអាឡឺម៉ង់ បានចូលរួមជាមួយ Dortmund នៅរដូវក្តៅឆ្នាំ ២០១២ ពីសំណាក់ក្រុម Borussia Monchengladbach ហើយបានស៊ុតបញ្ចូលទី ១៦៧គ្រាប់ នៅគ្រប់ការប្រកួតទាំងអស់។

យោងតាមអ្នកកាសែត Foot Mercato បានឲ្យដឹងថា ក្លឹបជាច្រើន បានចាប់អារម្មណ៍ក្នុងការចុះហត្ថលេខាលើខ្សែប្រយុទ្ធរូបនេះ ដោយមិនគិតថ្លៃផ្ទេរ ប្រសិនបើគាត់មិនព្រមបន្តកុងត្រាថ្មី ស្របពេលកិច្ចសន្យា Reus បច្ចុប្បន្នមានសុពលភាពដល់ចុងរដូវកាល ២០២៤។ មិនតែប៉ុណ្ណោះ ត្រូវបានគេអះអាងថា ក្លឹបនៅលីគ MLS ដែលមិនបញ្ចេញឈ្មោះមួយចំនួន ចង់ទាក់ទាញ Reus ឲ្យផ្លាស់ទៅកាន់សហរដ្ឋអាមេរិក ខណៈដែលអតីតក្លឹបរបស់គាត់ Monchengladbach ក៏កំពុងពិចារណាផងដែរនូវសក្តានុពលមួយនេះ៕

ប្រភព៖ SPORTBIBLE