(អង់គ្លេស)៖ ខ្សែប្រយុទ្ធ Oscar Bobb បានចុះកិច្ចសន្យាថ្មីរយៈពេល ៥ឆ្នាំ ដើម្បីបន្តដំណើរជាមួយក្លឹបមេឃខៀវ Manchester City រហូតដល់រដូវក្តៅឆ្នាំ ២០២៩។ កីឡាករសញ្ជាតិន័រវេសវ័យ ២០ឆ្នាំ បានបង្ហាញខ្លួន ១៦ប្រកួត សម្រាប់ក្រុម Man City ក្នុងរដូវកាលនេះ ខណៈកិច្ចសន្យាពីមុននៅក្លឹប នឹងត្រូវផុតកំណត់នៅខែមិថុនា ឆ្នាំ ២០២៦។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ Bobb បាននិយាយថា «វាជាពេលវេលាដ៏មិនគួរឱ្យជឿ និងជាកន្លែងដ៏ល្អបំផុត សម្រាប់កីឡាករវ័យក្មេង ខណៈខ្ញុំបានរៀនច្រើនគួរសម ពីលោក Pep មិត្តរួមក្រុម និងបុគ្គលិកនៅទីនេះ»។ គួរកត់សម្គាល់ថា Bobb បានចូលរួមជាមួយ Man City ពីក្រុម Valerenga ក្នុងឆ្នាំ២០១៩ និងបានបង្ហាញខ្លួនជាលក្ខណៈអន្តរជាតិកាលពីខែតុលាឆ្នាំមុន។

បន្ថែមពីនេះ Bobb បានបញ្ជាក់ប្រាប់ថា «ខ្ញុំនឹងនៅទីនេះរហូតដល់ឆ្នាំ ២០២៩ ហើយវាពិតមានន័យខ្លាំងណាស់សម្រាប់ខ្ញុំ»៕

ប្រភព៖ BBC