(អាល្លឺម៉ង់)៖ ក្លឹបយក្សអាល្លឺម៉ង់ Bayern Munich ត្រូវបានគេរាយការណ៍ថា បានទាក់ទងជាមួយអ្នកចាត់ការទូទៅរបស់ក្លឹបគូប្រជែង Bayer Leverkusen គឺលោក Xabi Alonso ឲ្យមកជំនួសតំណែងគ្រូបង្វឹកលោក Thomas Tuchel នាយុទ្ធនាការឆ្នាំ ២០២៣-២៤។ ជាមួយគ្នានេះផងដែរ លោក Thomas Tuchel បានប្រកាសក្តែងៗថា រូបលោកនឹងលាលែងពីតួនាទីជាអ្នកចាត់ការទូទៅរបស់ក្លឹប Bayern នៅចុងបញ្ចប់នៃរដូវកាលនេះ។

យោងតាមអ្នកកាសែតអាល្លឺម៉ង់ Florian Plettenberg បានឱ្យដឹងថា Bayern បានទាក់ទងរួចហើយ លើចំណាប់អារម្មណ៍របស់ពួកគេលើលោក Alonso ដោយបុរសសញ្ជាតិអេស្ប៉ាញរូបនេះ ត្រូវបានចាត់ទុកថាជាផែនការចម្បងរបស់ក្លឹបសម្រាប់រដូវក្តៅ។ ទន្ទឹមនឹងនេះ លោក Alonso ថាគាត់ផ្តោតក្នុងការដឹកនាំ ១០០% ទៅលើក្រុម Leverkusen ដើម្បីធានាឲ្យបានជោគជ័យ នៅរដូវកាលនេះជាមុនសិន ហើយនឹងមានការពិភាក្សាផ្ទាល់មាត់ណាមួយនោះឡើយ៕

ប្រភព៖ SportsMole