(អង់គ្លេស)៖ យោងតាមប្រព័ន្ធផ្សព្វផ្សាយប្រេស៊ីល O Dia ត្រូវបានគេរាយការណ៍ថា ក្លឹបតោខៀវ Chelsea កំពុងពិចារណាក្នុងការធ្វើការខិតខំប្រឹងប្រែងសម្រាប់ខ្សែប្រយុទ្ធ Pedro របស់ក្រុម Flamengo ។ ទន្ទឹមនឹងនេះ ការចូលចែចូវលើខ្សែប្រយុទ្ធសញ្ជាតិប្រេស៊ីលវ័យ ២៦ឆ្នាំ គឺដើម្បីជំនួសការដេញថ្លៃចង់បានខ្សែប្រយុទ្ធ Victor Osimhen របស់ក្លឹបអ៊ីតាលី Napoli វិញ បន្ទាប់ពីលក្ខខណ្ឌដោះលែងកីឡាករអន្តរជាតិនីហ្សេរីយ៉ាមានតម្លៃធំសម្បើមដល់ជាង ១១១លានផោន ឯណោះ។
ដោយឡែកចាប់តាំងពីឆ្នាំ២០២០ ការស៊ុតបញ្ចូលទីសរុបរបស់ Pedro មានចំនួន ១០៧គ្រាប់ និង ២៣ដង assists ត្រូវបានរួមចំណែកពីការបង្ហាញខ្លួនចំនួន ២២១លើក ហើយគាត់បានឈ្នះពានរង្វាន់លីគប្រេស៊ីល និងពានរង្វាន់ Copa Libertadores ក្នុងចំណោមគ្រឿងប្រាក់ ដែលគាត់បានឈ្នះនៅពេលគាត់លេងតំណាងឱ្យក្រុម Flamengo ។
ជាមួយគ្នានេះផងដែរ Pedro មានកុងត្រារហូតដល់ឆ្នាំ២០២៧ ជាមួយ Flamengo ប៉ុន្តែរបាយការណ៍បានបង្ហាញថា Chelsea នឹងព្យាយាមធានានូវកិច្ចព្រមព្រៀងក្នុងតម្លៃផ្ទេរកញ្ចប់ទឹកប្រាក់ ២៥លានអឺរ៉ូ ដែលជាតម្លៃដ៏សមរម្យសម្រាប់ក្លឹប៕
ប្រភព៖ SportsMole
