(អង់គ្លេស)៖ យោងតាមរបាយការណ៍មួយពី Football Insider បានឱ្យដឹងថា បច្ចុប្បន្នក្លឹបសារិកាព្រៃ Newcastle United និងក្លឹប Aston Villa កំពុងតែនាំមុខគេ សម្រាប់ការចរចារលើខ្សែបម្រើកណ្តាលរបស់ក្រុមកាំភ្លើងធំ Arsenal គឺកីឡាករ Emile Smith Rowe ។ រំលឹកដែរថា Aston Villa បានព្យាយាម និងបរាជ័យរួចទៅហើយក្នុងការដេញថ្លៃ Smith Rowe ពី Arsenal ដោយបានដាក់សំណើដេញថ្លៃ ២៥លានផោន និង ៣០លានផោនសម្រាប់កីឡាករអង់គ្លេស នៅក្នុងអំឡុងឆ្នាំ២០២១ ប៉ុន្តែក្រុមកាំភ្លើងធំបានច្រានចោលបដិសេធសំណើ ខណៈកីឡាករ Smith Rowe បានចុះកិច្ចសន្យារយៈពេលវែង។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គួរកត់សម្គាល់ថា កីឡាករវ័យសញ្ជាតិអង់គ្លេស ដែលមានវ័យ ២៣ឆ្នាំ បានលេងនៅជម្រើសដំបូងសម្រាប់ Arsenal ក្នុងឱកាសចូលលេង ១១១លើក ដោយស៊ុតបញ្ចូលទីបាន ១៨គ្រាប់ និង assists ១២ដង ក៏ដូចជាការឈ្នះពានរង្វាន់ Community Shield ចំនួន២លើក ផងដែរ។
ទន្ទឹមនឹងនេះ Smith Rowe អាចជាកីឡាករArsenal ម្នាក់ ក្នុងចំណោមកីឡាករមួយចំនួនផ្សេងទៀត ដើម្បីស្វែងរកគោលដៅផ្ទេរថ្មីនៅរដូវក្តៅខាងមុខនេះ។
ប្រភព៖ SportsMole
