(អាល្លឺម៉ង់)៖ ក្លឹបយក្សនៅអាល្លឺម៉ង់ Bayern Munich បានចាញ់ការប្រកួត ៣ លើកជាប់ៗគ្នា បន្ទាប់ពីបរាជ័យក្រោមថ្វីជើងម្ចាស់ផ្ទះ Bochum ៣ទល់នឹង២ កាលពីយប់មិញ។ ទន្ទឹមនឹងនេះ សម្ពាធកំពុងកើនឡើងទៅលើគ្រូបង្វឹកលោក Thomas Tuchel ខណៈដែលគាត់បានដឹកនាំក្រុមឱ្យបរាជ័យ ៣ប្រកួតជាប់ៗគ្នានៅគ្រប់ការប្រកួតទាំងអស់។

បើទោះជា ខ្សែបម្រើ Jamal Musiala របស់ Bayern បានស៊ុតបញ្ចូលទីនាំមុខ ១គ្រាប់ មុននៅនាទី១៤ ក៏ដោយ ប៉ុន្តែ ៩០នាទីពេញ ក្រុម Bochum បានទទួលជ៏យជម្នះ និងទទួលបានបាល់ពិន័យ១១ម៉ែត្រ នៅនាទីទី៧៨ ខណៈដែលខ្សែការពារ Dayot Upamecano របស់ Bayern ត្រូវបានបណ្តេញចេញពីទីលានផងដែរ។ បន្ថែមពីនេះ ​ខ្សែប្រយុទ្ធ Harry Kane ក៏រកបាន ១គ្រាប់ នៅចុងម៉ោងសម្រាប់ Bayern Munich ផងដែរ។

គួរបញ្ជាក់ផងដែរថា បច្ចុប្បន្នក្រុម Bayern មាន ៨ពិន្ទតាមពីក្រោយក្រុមកំពូលតារាង Bayer Leverkusen ដែលបានបន្តយុទ្ធនាការលីគដ៏គួរឱ្យកត់សម្គាល់របស់ពួកគេជាមួយនឹងជ័យជម្នះ ២-១ លើក្រុម Heidenheim កាលពីថ្ងៃសៅរ៍។ មិនតែប៉ុណ្ណោះ នៅសល់ការប្រកួតក្នុងលីគ Bundesliga ចំនួន ១២ប៉ុណ្ណោះក្នុងរដូវកាលនេះ៕

សូមទស្សនានូវវីដេអូ highlights ខាងក្រោម៖

ប្រភព៖ SPORTBIBLE