បរទេសៈ ក្លឹបតោខៀវ Chelsea កំពុងសម្លឹងមើលក្នុងការនាំយកខ្សែប្រយុទ្ធឆ្នើមរបស់ក្លឹប Bayern Munich គឺ Harry kane មកកាន់ក្របខណ្ឌ Premier League សារជាថ្មី។ បើយោងទៅតាមការចុះផ្សាយដោយសារព័ត៌មាន Football Insider បានចុះផ្សាយថា ក្លឹប Chelsea បច្ចុប្បន្នកំពុងសិក្សាអំពីលទ្ធភាពក្នុងការចុះកុងត្រាលើ Harry Kane ដោយមានរបាយការណ៍ថា ខ្សែប្រយុទ្ធអង់គ្លេសរូបនេះ ហាក់បីមិនរីករាយជាមួយអាជីពរបស់ខ្លួននៅទឹកដីអាល្លីម៉ង់ឡើយ ។ គ្រូបង្វឹកក្លឹប Chelsea លោក Pochettino ធ្លាប់បង្វឹកខ្សែប្រយុទ្ធឆ្នើមររូបនេះរយៈពេល៥ឆ្នាំកាលពីរូបលោកនៅក្លឹប Tottenham Hotspur ដូច្នេះទំនាក់ទំនងដ៏ល្អរវាងអ្នកទាំងពីរអាចនឹងធ្វើឲ្យកិច្ចព្រមព្រៀងមួយនេះកើតឡើងបាន៕