(បារាំង)៖ យោងតាមសារព័ត៌មាន Fichajes គ្រូបង្វឹកក្លឹបយក្សបារាំង Paris Saint-Germain លោក Luis Enrique បានផ្តល់ភ្លើងខៀវឱ្យក្រុមម្ចាស់ជើងឯក Ligue ១ បង្កើនការតាមប្រមាញ់ខ្សែបម្រើសញ្ជាតិព័រទុយហ្គាល់ Bernardo Silva របស់ក្រុមមេឃខៀវ Manchester City ដើម្បីរៀបចំលក្ខខណ្ឌដោះលែងលើតម្លៃខ្លួនផ្ទេរប្រមាណ ៦០លានអឺរ៉ូ នៅរដូវក្តៅនេះ។
មិនតែប៉ុណ្ណោះ Bernardo បានចុះកិច្ចសន្យាថ្មីនៅ Man City កាលពីខែកញ្ញាឆ្នាំមុន ដោយកិច្ចសន្យាគាត់នៅ Etihad មានសុពលភាពរហូតដល់ឆ្នាំ២០២៦ ។ ទន្ទឹមនឹងនេះ PSG ត្រូវបានគេនិយាយថាមានទំនុកចិត្តខ្ពស់ ថាពួកគេអាចឈានដល់កិច្ចព្រមព្រៀងជាមួយ Bernardo នារដូវកាលក្រោយនេះ។ ទោះជាយ៉ាងណាក៏ដោយ PSG អាចប្រឈមមុខនឹងការប្រកួតប្រជែងពីសំណាក់ក្លឹប Benfica ផងដែរ ខណៈដែលពេលថ្មីៗនេះ Silva បានបង្ហាញពីបំណងក្នុងការត្រលប់ទៅកាន់ក្លឹបកុមារភាពរបស់គាត់ មុនពេលគាត់ព្យួរស្បែកជើង។
គួរកត់សម្គាល់ថា កីឡាករវ័យ ២៩ឆ្នាំរូបនេះ បានដើរយ៉ាងសំខាន់នៅក្នុងផែនការរបស់លោក Pep Guardiola ចាប់តាំងពីចូលរួមពី Monaco ក្នុងខែកក្កដា ឆ្នាំ២០១៧ ដោយស៊ុតបញ្ចូលទីបាន ៦៣គ្រាប់ និងបញ្ជូនបាល់ឱ្យមិត្តរួមក្រុមបាន ៦២ដង ក្នុងការប្រកួតចំនួន ៣៣៥លើក នៅគ្រប់ការប្រកួតទាំងអស់៕
ប្រភព៖ SportsMole
(ប្រេស៊ីល)៖ គ្រូបង្វឹកក្រុមអធិរាជស Real Madrid លោក Carlo Ancelotti បានព្រមព្រៀងក្នុងការដឹកនាំក្រុមបាល់ទាត់ជម្រើសជាតិសាំបាប្រេស៊ីល រហូតដល់ឆ្នាំ២០២៦ ពោលគឺក្រោយពេលបញ្ចប់ព្រឹត្តិការណ៍ FIFA World Cup នៅសហរដ្ឋអាមេរិក មិចស៊ិក និងកាណាដា។ មុនពេលចាកចេញពី Real Madrid លោក Ancelotti បានឈ្នះពានរង្វាន់ធំៗប្រចាំទ្វីបអឺរ៉ុប UEFA Champions League ២លើក ពីការវិលត្រលប់ទៅដឹកនាំអធិរាជសជាលើកទី២ ពោលគឺក្នុងឆ្នាំ២០២២ និងចុងក្រោយឆ្នាំ២០២៤ មុនពេលក្រុមការពារតំណែងជើងឯក La Liga ហាលអាវត្រឹមវគ្គ៨ក្រុម ក្រោមថ្វីជើងរបស់កាំភ្លើងធំ Arsenal នារដូវកាលនេះ។អត្ថបទកំពុងចាប់អារម្មណ៍៖ ទីបំផុត! គ្រូ Real សម្រេចចុះកុងត្រាដឹកនាំជម្រើសជាតិប្រេស៊ីល សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គ្រូបង្វឹកដែលមានបទពិសោធន៍ដ៏ច្រើនរូបនេះ ត្រូវបានគេរំពឹងថា នឹងបញ្ចប់ការទន្ទឹងរង់ចាំពាន World Cup ក្នុងរយៈពេល ២៤ឆ្នាំ ពោលគឺចាប់តាំងពីពួកគេបានឈ្នះចុងក្រោយកាលឆ្នាំ២០០២ នៅជប៉ុន និងកូរ៉េខាងត្បូង […]
