បរទេស៖ ខ្សែប្រយុទ្ធឆ្នើមរបស់ក្លឹប Paris Saint Germain គឺ Kylian Mbappe ត្រូវបានគេរាយការណ៍ថា អាចនឹងមានលទ្ធភាពផ្ទេរទៅកាន់ក្លឹប Arsenal ដោយសារតែកីឡាករ ម្នាក់ ។ ក្នុងប៉ុន្មានរដូវកាលចុងក្រោយនេះ Mbappe នៅតែបន្តជាប្រធានបទដែលមជ្ឍដ្ឋានទូទៅលើកយកមកពិភាគ្សា ដោយសារតែអនាគតមិនច្បាស់លាស់របស់កំពូលខ្សែប្រយុទ្ធរូបនេះនៅទឹកដី Parc des Prince Club ។

ទោះបីជាយ៉ាងណាមិញ បុរសសញ្ជាតិបារាំង រូបនេះ បានធ្វើការផ្លាស់ប្តូរចិត្តគំនិតខ្លួនឯងទាំងស្រុងដោយបន្តស្នាក់នៅ PSG បន្ត កាលពីរដូវកាលក្តៅឆ្នាំមុន ដែលធ្វើឲ្យគ្រប់គ្នាស្ទើតែគិតថា ខ្សែប្រយុទ្ធឆ្នើមរូបនេះនឹងចាកចេញពី PSG ដើម្បីចូលរួមជាមួយនឹង Real Madrid ដោយសារតែកុងត្រារបស់គេផុតសុពលនៅចុងរដូវកាល ដោយគិតថា PSG នឹងមិនអនុញ្ញាតឲ្យខ្សែប្រយុទ្ធរបស់ខ្លួនរូបនេះចាកចេញដោយគ្មានតម្លៃខ្លួនឡើយ។

ទោះបីជាយ៉ាងណាមិញនៅរដូវក្តៅខាងមុខនេះ មនុស្សគ្រប់គ្នាបានមានការរំពឹងទុក្ខយ៉ាងខ្ពស់ថា ខ្សែប្រយុទ្ធឆ្នើមរូបនេះប្រាកដជាចាកចេញពីក្លឹប PSG ហើយគោលដៅបន្ទាប់គឺជាក្លឹប Real Madrid ដើម្បីសម្រេចក្តីស្រមៃឈ្នះពានរង្វាន់ UEFA Champions league របស់ខ្លួនជាលើកដំបូង ។ យ៉ាងណាមិញបើយោងទៅតាម The Independent បានចុះផ្សាយថា Kylian Mbappe អាចនឹងផ្ទេរទៅកាន់ក្លឹប Arsenal ផងដែលក្រោមលក្ខខណ្ឌថា «ម្ចាសជើងឯក Ligue ១ នៅតែមានអារម្មណ៍ថា Mbappe បានក្បត់ខ្លួន បន្ទាប់ពីខ្សែប្រយុទ្ធបារាំងរូបលួចធ្វើការចរចារដោយសំងាត់ជាមួយនឹងក្លឹប Liverpool កាលពីរដូវក្តៅឆ្នាំមុន ប៉ុន្តែមិនមានការផ្តល់សំណើរផ្លូវការណ៍ណាមួយឡើយ ដោយសារតែ Liverpool មិនចង់បាន Mbappe ខ្លាំងពេកដល់ថ្នាក់ធ្វើឲ្យប៉ះពាល់ដល់បញ្ហាហិរញ្ញវត្ថុរបស់ខ្លួនឡើយ។ ទន្ទឹមនឹងគ្នាផងដែលក្លឹប Arsenal បានក្លាយជាទីតាំងមួយដែល Mbappe អាចនឹងត្រូវពិចារណា។ ជាមួយនឹងដានកន្លងរបស់វីរបុរសបារាំង Henry Thierry អាចជាផ្នែងកមួយដែលជម្រុញឲ្យ Mbappe សម្រេចចិត្តជ្រើសរើសយក Arsenal»៕