(អេស៉្បាញ)៖ ថ្មីៗនេះ ម្ចាស់ជើងឯក UCL ១៤សម័យ Real Madrid ត្រូវបានគេរាយការណ៍ថា បានសម្រេចចិត្តប្រឆាំងនឹងការផ្លាស់ប្តូរនៅរដូវក្តៅសម្រាប់ខ្សែការពារស្តាំរបស់ក្រុមមេឃខៀវ Manchester City គឺកីឡាករ Yan Couto បន្ទាប់ពី Real Madrid បានបំបាក់ក្រុម Girona ៤:០ ដែលជាក្លឹបខ្សែការពាររូបនេះកំពុងខ្ចីជើង។ ដោយឡែក កីឡាករវ័យ ២១ឆ្នាំ មិនទាន់បង្ហាញខ្លួនជាឈុតធំសម្រាប់ក្រុម Man City នៅឡើយ ចាប់តាំងពីបានចូលរួមជាមួយក្លឹបក្នុងឆ្នាំ២០២០ ហើយជំនួសមកវិញនូវបទពិសោធន៍ក្នុងក្រុមដំបូងក្នុងលក្ខខណ្ឌខ្ចីជើងជាមួយក្រុម Braga និង Girona ។
គួរមកត់សម្គាល់ថា Couto បានចំណាយពេល ១ឆ្នាំ ជាមួយ Girona និង ១ឆ្នាំ ជាមួយ Braga មុនពេលត្រលប់ទៅអតីតក្លឹបវិញនៅយុទ្ធនាការ ២០២៣-២៤។ ទន្ទឹមនឹងនេះ កីឡាករអន្តរជាតិប្រេស៊ីលបានលេងក្នុង ២៣ប្រកួត ក្នុងចំណោម ២៤ប្រកួត សម្រាប់ក្រុម Girona នៅ La Liga ក្នុងរដូវកាលនេះ ដោយស៊ុតបញ្ចូលទីបាន ១គ្រាប់ និង assists ៦ដង ហើយជាផ្នែកមួយនៃក្រុមដែលប្រជែងនឹងក្រុម Real Madrid ដ៏គួរឱ្យភ្ញាក់ផ្អើលសម្រាប់ពានរង្វាន់លីគក្នុងឆ្នាំនេះ។
ទោះបីជាយ៉ាងណាក៏ដោយ យោងទៅតាមសារព័ត៌មាន Bernabeu Digital នាពេលថ្មីៗនេះ បានឲ្យដឹងថា Couto បានប្រឆាំងនឹងក្រុម Real Madrid និងមិនចង់រួមទ្រនំជាមួយអធិរាជស Real Madrid ដោយរូបគេចង់បន្តស្នាក់នៅជាមួយក្រុម Man City មុនពេលកុងត្រាខ្ចីជើងនៅ Girona ផុតកំណត់នៅចុងរដូវកាលនេះ។ គួរជម្រាបផងដែរថា Couto មានសុពលភាពកុងត្រាជាមួយក្រុមមេឃខៀវ MAN CITY រហូតដល់ខែមិថុនា ឆ្នាំ២០២៥៕
ប្រភព៖ SportsMole
