កីឡាករ Akram Afif បានស៊ុតបាល់ពិន័យប៉េណាល់ទី៣គ្រាប់តែម្នាក់ឯងនៅនាទីទី២២,៧៣ និង ៩០+៥) ខណៈម្ចាស់ផ្ទះ Asian Cup កាតាបានយកឈ្នះក្រុមភ្ញៀវ Jordan ក្នុងលទ្ធផល ៣ទល់និង១ ក្នុងការប្រកួតវគ្គផ្តាច់ព្រ័ត្រ Asian Cup នៅកីឡដ្ឋាន Lusail វេលាម៉ោង១០ យប់ថ្ងៃសៅរ៏ម្សិលមិញនេះ។លទ្ធផលនេះមានន័យថាម្ចាស់ផ្ទះកាតាបានក្លាយជាក្រុមទី ៥ ដែលឈ្នះជើងឯកទ្វីបអាស៊ីលើកទីពីរក្រោយពីពួកគេបានឈ្នះនៅឆ្នាំ ២០១៩ម្តងរួចមកហើយផងដែរ។
ហ្ស៊កដានីមានបំណងឈ្នះពានរង្វាន់ Asian Cup ជាលើកដំបូងដោយបានយកឈ្នះកូរ៉េខាងត្បូង ២-០ ក្នុងវគ្គពាក់កណ្តាលផ្តាច់ព្រ័ត្រ ដើម្បីឈានទៅវគ្គផ្តាច់ព្រ័ត្រជាលើកដំបូងប៉ុន្តែមិនអាចទៅរួច ខណៈ Afif បានក្លាយជាវីរបុរសក្នុងការប្រកួតនេះ ខណៈកាតាបានក្លាយជាក្រុមដំបូងគេដែលអាចការពារតំណែងជើងឯកAsian Cup ជាលើកដំបូងចាប់តាំងពីប្រទេសជប៉ុនធ្លាប់បានធ្វើក្នុងឆ្នាំ ២០០៤ ។
ប្រភព:BBC
វីដេអូ:
អ្នកចាត់ការទូទៅលោក Mourinho បានរងបម្រាមមិនអោយដឹកនាំក្រុមចំនួន ៤ប្រកួតដោយសហព័ន្ធបាល់ទាត់ទួរគី ខណៈអ្នកចាត់ការសញ្ជាតិព័រទុយហ្គាល់ដ៍ល្បីល្បាញបានរងពិន័យមួយផ្សេងទៀតគឺត្រូវបង់ប្រាក់ប្រមាណ ៣៥,១៩៤ផោនសម្រាប់រឿងនេះ។គួរកត់សម្គាល់ថាឧបទ្ទវហេតុនេះមួយបានកើតមានឡើង ដោយសកម្មភាពរបស់លោក Mourinho វ័យ៦២ឆ្នាំ បានដើរចូលទៅជិតលោកOkan Buruk គ្រូបង្វឹក Galatasaray ពីខាងក្រោយ ហើយបានយកម្រាមដៃស្តាំយកទៅខ្ទាស់ច្រមុះ ខណៈសកម្មភាពនេះបានធ្វើឱ្យអ្នកចាត់ការសញ្ជាតិតួគីវ័យ ៥១ឆ្នាំបាន ដួលទៅលើស្មៅក្នុងទីលានដោយបង្ហាញអការៈយកដៃបិទមុខទំនងជាមានការឈឺចាប់។ គួររំលឹកថារឿងហេតុនេះបានកើតឡើងបន្ទាប់ពីការផ្លុំកញ្ចែបញ្ចប់ការប្រកួតវគ្គ៨ក្រុមចុងក្រោយនៅកីឡដ្ឋាន Sukru Saracoglu ដែលជាទឹកដីក្រុមFenebahce ខណៈម្ចាស់ផ្ទះ បានរងបរាជ័យចាញ់ក្រុមភ្ញៀវ Galatasaray ដែលជាក្លឹបមានមូលដ្ឋានរួមទីក្រុង Istanbul ដោយលទ្ធផល ២ទល់និង១ ។ ក្នុងនោះផងដែរខ្សែប្រយុទ្ធស្លាបឆ្នើម Victor Osimhen សញ្ជាតិនីហ្សេរីយាបានបញ្ចេញសមត្ថភាពដ៍អស្ចារ្យដោយរកបានគ្រាប់បាល់ស៊ុតបញ្ចូលទី ២គ្រាប់។អត្ថបទកំពុងចាប់អារម្មណ៍៖ Osimhen បង្ហាញគោលបំណងផ្លាស់ទៅលីកធំមួយនេះតែមិនមែន Serie A(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ឆ្លើយតបបញ្ហានេះផងដែរលោក Metin Ozturk អនុប្រធានក្លឹប Galatasaray បាននិយាយថាក្រោយចប់ការប្រកួតថាៈគ្រូបង្វឹកទាំងពីរ Okan និង Mourinho បានបង្ហាញសញ្ញាអរគុណទៅដល់អាជ្ញាកណ្តាល។ […]
