វីរបុរសបាល់ទាត់ក្រុមអ្នកមានបុណ្យ Barcelona និងក្រុមសាំបាប្រេស៊ីល Dani Alves បានបដិសេធថាខ្លួនមិនបានធ្វើការចាប់រំលោភនារីម្នាក់ដែលមិនត្រូវបានបញ្ចេញអត្តសញ្ញាណនៅក្នុងក្លឹបរាត្រីមួយនាទីក្រុងបាសេឡូណាក្នុងខែធ្នូ ឆ្នាំ២០២២ ឡើយ។ទោះយ៉ាងណាអតីតខ្សែការពារស្លាបស្តាំដ៏ល្បីល្បាញ រូបនេះបានចូលមកបង្ហាញខ្លួនមុខអង្គជំនុំជំរះនៅថ្ងៃចុងក្រោយនៃការកាត់ក្តីរបស់គាត់នៅក្នុងប្រទេសអេស្ប៉ាញ។គួររំលឹកថាអតីតកីឡាករដែលលេងអោយក្លឹបច្រើនបំផុតមួយនៅអឺរ៉ុប វ័យ ៤០ ឆ្នាំពោរពេញដោយបទពិសោធន៏រូបនេះបានជាប់ពន្ធនាគារដោយគ្មានប្រាក់ធានានៅក្រៅឃុំចាប់តាំងពីគាត់ត្រូវបានចាប់ខ្លួនក្នុងខែមករាឆ្នាំមុនមកម្លេះ។ស្ថិតក្នុងទឹកមុខស្រពាប់ស្រពោន Alves បានប្រាប់តុលាការក្រុង Barcelona ថាៈនារីម្នាក់នោះមិនមែនជាជនរងគ្រោះទេ គឺគាត់អាចចាកចេញបានដោយមានសេរីភាព និងគ្មានការ ការគំរាមកំហែងមកលើរូបនាងទេ ហើយប្រសិននាងចង់ចាកចេញគឺពិតជាអាចធ្វើបានមិនពិបាកទេ។

ផ្ទុយទៅវិញចម្លើយសារភាពហាក់ពុំមានប្រសិទ្ធភាពទេ ខណៈព្រះរាជអាជ្ញាកំពុងអំពាវនាវឲ្យមានការកាត់ទោសដាក់ពន្ធនាគាររយៈពេលប្រាំបួនឆ្នាំ និងសំណងហិរញ្ញវត្ថុជុំវិញរឿងក្តីដ៏ចម្រូងចម្រាសនះ។ក៏ព្រោះតែពត៌មានមួយនេះ ចំនុចខ្លះនៃសាច់រឿងធ្វើអោយអ្នកតាមដាន អាចនិងពិបាកយល់។ក៏ព្រោះតែជនជាប់ចោទ Alves ធ្លាប់បានប្រាប់តុលាការថា គាត់បានល្បួងនាងចូលទៅក្នុងបង្គន់មួយនៃបន្ទប់ VIP នៃក្លឹបរាត្រី Barcelona មុនពេលបង្ខំនាងឱ្យរួមភេទជាមួយគាត់ទៅវិញ(Sic)។

ប្រពន្ធរបស់ Alves នាង Joana Sanz វ័យ៣១ឆ្នាំ បានលើកឡើងផងដែរថាៈយប់កើតហេតុនោះ គាត់ស្រវឹងខ្លាំងណាស់ នៅពេលដែលគាត់ត្រលប់មកផ្ទះ និងបានដើរបុកគ្រឿងសង្ហារឹម មុនពេលដួលទៅលើគ្រែដែក។ ជាមួយគ្នានេះដែរមិត្តភ័ក្តិនាររីរងគ្រោះដែលនៅជាមួយជនរងគ្រោះថ្ងៃកើតហេតុនាងបានប្រាប់តុលាកាថា ស្រ្តីរងគ្រោះបានចាកចេញពីពីបង្គន់ហើយបាននិយាយថ Alves ពិតជាបានធ្វើអោយ រូបនាងមានការឈឺចាប។រីឯ Alves កំលុងពេលរងការចោរប្រកាន់ដំបូងឡើយបានបដិសេធថាមិនស្គាល់ជនរងគ្រោះដែលត្រូវបានចោទ នៅក្នុងបទសម្ភាសន៍តាមទូរទស្សន៍ ហើយក្រោយមកបែរជាទទួលស្គាល់ថា គាត់បានរួមភេទជាមួយនាង ប៉ុន្តែនិយាយថាវាជាការព្រមព្រៀងគ្នា។

ប្រភព:BBC

វីដេអូ: