(បរទេស)៖ អ្នកសារព័ត៌មានដ៏ល្បីលោក Fabrizio Romano បានឲ្យដឹងថា បច្ចុប្បន្នក្លឹបអធិរាជស Real Madrid កំពុងបន្តធ្វើការលើកិច្ចព្រមព្រៀង Kylian Mbappe ដោយមានទំនុកចិត្តខ្ពស់ទាំងស្រុង ប៉ុន្តែនៅមិនទាន់សម្រចបានដូចបំណងនៅឡើយនោះទេ។ ទន្ទឹមនឹងនេះ Real Madrid នៅតែជឿជាក់ថា Mbappe នឹងអាចផ្លាស់មកកាន់ទឹកដីអេស៉្បាញក្នុងឆ្នាំនេះ ខណៈការសម្រេចចិត្តជាផ្លូវការ គឺស្ថិតនៅលើសាមីខ្លួន ហើយការពន្យល់ពីគម្រោងបន្ទាប់ជាមួយ PSG នៅក្នុងពេលឆាប់ៗនេះ។
គួរកត់សម្គាល់ថា ប្រធានក្លឹបលោក Nasser Al Khelaifi និង PSG មិនមានទំនាក់ទំនងជាផ្លូវការនៅឡើយជាមួយ Mbappe ដែលវាជាជំហានដ៏សំខាន់។ មិនតែប៉ុណ្ណោះក្នុងកិច្ចសន្យា Mbappe បានយល់ព្រមថាមិនទទួលយកប្រាក់ចំនួន ៨០លានអឺរ៉ូ ឡើយប្រសិនបើខ្លួនចាកចេញ។ លើសពីនេះ Mbappe បានសន្យាជាមួយម្ចាស់ក្លឹបថា បើគាត់សម្រេចចាកចេញ គាត់នឹងទាក់ទងទៅកាន់ប្រធានក្លឹប PSG ភ្លាមៗមុនពេលក្លឹបផ្សេងៗបានដឹងដំណឹង។ រំលឹកដែរថា កុងត្រា Mbappe ជាមួយ PSG នឹងត្រូវផុតកំណត់នៅថ្ងៃទី៣០ ខែមិថុនា ឆ្នាំ២០២៤។
សរុបមក Real Madrid មានទំនុកចិត្តខ្លាំង ដោយក្លឹបបានត្រៀមកន្លែង នៅក្នុងបន្ទប់ផ្លាស់សំលៀកបំពាក់រួចជាស្រេចទៅហើយនោះ។ ជាមួយគ្នានេះដែរ ប្រសិនបើ Mbappé សម្រេចចិត្តចុះចូលរួមក្រុមជាមួយ Real Madrid នោះប្រាក់ខែនឹងត្រូវទាបជាងអ្វីដែលក្លឹបធ្លាប់ផ្តល់ជូនក្នុងឆ្នាំ ២០២២។ ប្រភពបញ្ជាក់ថា PSG បានរៀបចំផែនការបម្រុងរបស់ពួកគេរួចហើយ ក្នុងករណី Mbappé សម្រេចចិត្តចាកចេញ — រួមទាំងការចុះហត្ថលេខា ៣ សំខាន់ៗលើកីឡាករវ័យក្មេង និងមានទេពកោសល្យផងដែរ៕
ប្រភព៖ Fabrizio Romano
គាំទ្រគុនខ្មែរជាមួយគ្រុឌ!ក្រឡែកមើលប្រវត្តិការប្រកួតកីឡាករក្នុងប្រភេទគីឡូ 57kg ថាតើទម្រាំពួកគាត់មកដល់វគ្គផ្តាច់ព័ត្រនេះ តើកីឡាករទាំងអស់ត្រូវឆ្លងកាត់ឧបសគ្គអ្វីខ្លះ ដើម្បីបានគ្រងខ្សែក្រវាត់ KRUD KUN KHMER? រវាង ធន់ ផានិត Kun Khmer និង អ៊ូច ធារិទ្ធ តើអ្នកណានឹងក្លាយជាម្ចាស់ខ្សែក្រវាត់គ្រុឌ ក្នុងប្រភេទគីឡូ 57kg នេះ? ជួបគ្នានៅ ថ្ងៃទី ៤-៥ ខែឧសភា ២០២៤ នៅស្រុកបវិល ខេត្តបាត់ដំបង ចាប់ពីម៉ោង 6:30 ល្ងាចតទៅ! អត្ថបទកំពុងចាប់អារម្មណ៍៖ Lewandowski ស៊ុត៣គ្រាប់ជួយ Barcelona បំបាក់ក្រុម Valencia ដែលមានគ្នាត្រឹម១០នាក់ (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
