គុនខ្មែរ៖ កីឡាករគុនខ្មែរ សែន ច័ន្ទរទ្ធីគុន ឬក៏ Thiago បានប្រកាសនៅថ្ងៃទី០៦ខែកុម្ភៈឆ្នាំ២០២៤នេះថា រូបលោកចង់ប្រកួតសងសឹកជាមួយនឹងអ្នកប្រដាល់ថៃ សៃយុគ ។ គួររំលឹកផងដែលថា សៃយុគ ទើបជួបជាមួយនឹងអ្នកប្រដាល់គុនខ្មែរ ធន់ រិទ្ធី ក្នុងជំនួបមហាព្រឹត្តិការណ៍របស់កម្មវិធី គ្រុនគុនខ្មែរ ដែលបញ្ចប់ទៅដោយលទ្ធផល ស្មើគ្នា។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញ ក្រោយចប់ការប្រកួត យោងទៅតាមការសម្ភាសផ្សេងៗជាមួយនឹងកីឡាកររូបនេះហាក់បីបង្ហាញការស្រឡាញ់ និងចូលចិត្ត ប្រទេសកម្ពុជា ក្រោយទទួលបានការស្វាគមន៍យ៉ាងកក់ក្តៅចំពោះវត្តមានរបស់ខ្លួននៅទឹកដីកម្ពុជាជាលើកដំបូង។

ខណៈក្រោយបន្ទាប់ការប្រកួត រវាង សៃយុគ និង ធន់ រិទ្ធី ស្រាប់តែអ្នកប្រដាល់សញ្ជាតិ ដើម Thiago ដែលធ្លាប់ប្រកបអាជីពនៅប្រទេសថៃ ជាច្រើនប្រកួត បានបង្ហាញចំណាប់អារម្មណ៍ចង់សុំសងសឹក សៃយុគ ម្តងទៀត តាមរយៈគណនី Facebook ផ្លូវការណ៍របស់ខ្លួន ខណៈ សៃយុគ ធ្លាប់បានផ្តួល Thiago ម្តងនៅឯសង្វៀន ថៃហ្វៃ កាលពីឆ្នាំ២០១៣ ដោយពិន្ទុ។