វីរបុរសក្រុមជម្រើសជាតិអាហ្សង់ទីនលោក Angel Di Maria បានដាក់តឿនមិត្តរួមជាតិកីឡាករ Alejandro Garnacho នៅក្នុងបទសម្ភាសន៍មួយដកស្រង់ដោយទស្សនាវត្តីOleថាៈ សូមកុំអោយរូបគេបានចម្លងស្តាយអបអរគ្រាប់បាល់បញ្ចូលទីពីអតីតមិត្តរួមក្រុមរបស់ខ្លួននៅក្រុម Real Madrid គឺកីឡាករ Cristiano Ronaldo អោយសោះ។បច្ចុប្បន្នស្ថិតក្នុងវ័យ ៣៥ឆ្នាំ Di Maria ដែលកំពុងលេងអោយក្រុម Benfica និងបានជួយអោយអាហ្សង់ទីនលើកពាន World Cup លើកទីបីកាលពីខែធ្នូ ឆ្នាំមុន បានបញ្ជាក់ប្រាប់យ៉ាងដូច្នេះថាៈ Garnacho មិនគួរធ្វើវាទេ ប៉ុន្តែគួរតែអបអរស្តាយស៊ុតបញ្ចូលទីរបស់ Messi វិញ។ សម្រាប់ក្រុមជម្រើសជាតិគាត់និងរៀនសូត្របានច្រើនបន្ថែម ទៀតជាមួយមិត្តរួមក្រុមជារៀមច្បង។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Di Maria បានបញ្ជាក់ប្រាប់បន្ថែមយ៉ាងដូច្នេះថាៈ Garnacho បច្ចុប្បន្នមានវ័យ១៩ឆ្នាំជាកីឡាករដែលមានទេពកោសល្យនិងលឿនរហ័ស គាត់មានអនាគតវែងឆ្ងាយ ។ប៉ុន្តែវាអាស្រ័យលើខ្លួនគាត់ដែរ។ នោះជា មូលហេតុដែលគាត់លេងអោយក្លឹបធំដូចជា Man.Utd។ រដូវកាលថ្មីនេះអតីតកីឡាករAt.Madrid រកបាន៥គ្រាប់ និង Assist ២ដងក្រោយបង្ហាញខ្លួន២៧ប្រកួតអោយMan.Utd រដូវកាលនេះ។
