បរទេស៖ ភ្នាក់ងារដ៏ល្បីឈ្មោះលោក Jorge Mendes ត្រូវបានគេរាយការណ៍ថា បានផ្តល់នូវសំណើរលើការចុះហត្ថលេខាលើលោក Jose Mourinho ដែលទើបតែបាត់បង់អាជីពរបស់ខ្លួននៅក្លឹប AS Roma ទៅកាន់ក្លឹប FC Barcelona ដែលគ្រូបង្គោលបច្ចុប្បន្នគឺលោក Xavi Hernandez បានប្រកាសថា លោកនឹងលាលែងពីតំណែងនៅចុងបញ្ចប់រដូវកាលនេះ ។ បន្ទាប់ពីបានក្លាយជាម្ចាស់ជើងឯក La Liga កាលពីរដូវកាលមុន បច្ចុប្បន្នក្រុម Barcelona កំពុងឈរលើលេខរៀងទី៤នៃតារាងលីគកំពូលអេស្ប៉ាញ ដោយមាន១១ពិន្ទុ ដោយតាមពីក្រោយក្រុមកំពូលតារាង Girona និង១០ពិន្ទុតាមពីក្រោយក្រុម Real Madrid ផងដែរ។
គួរបញ្ជាក់ថា លោក Xavi បានទទួលលទ្ធផលល្អគួរកត់សម្គាល់ ក្រោយរូបលោកទទួលបានទទួលនាទីជាអ្នកចាត់ការក្លឹប Barcelona បន្ទាប់ពីលោក Ronald Koeman កាលពីឆ្នាំ២០២១ ដោយលោកបានដឹកនាំក្រុមឈ្នះ ៧៦លើក ក្នុងការប្រកួតសរុប ១២២ដង និងមានស្ថិតិឈ្នះសរុប ៦២% ។ ទោះបីយ៉ាងណាមិញ ក្រោយការប្រកាសចាកចេញរបស់លោក បច្ចុប្បន្នដោយយោងទៅតាមការចុះផ្សាយថា សារព័ត៌មាន ABC បានបញ្ជាក់ថា លោក Jorge Mendes ដែលភ្នាក់ងាររបស់លោក Jose Mourinho បានផ្តល់នូវសំណើរមួយទៅកាន់ក្លឹប FC Barcelona ក្នុងការតែងតាំងលោក Mourinho ធ្វើគ្រូបង្គោលបន្ទាប់របស់ក្លឹប Barcelona ។ លោក Deco ដែលបច្ចុប្បន្នជាក្រុមប្រឹក្សាភិបាលរបស់ក្លឹប Barcelona ត្រូវបានគេជឿជាក់ថា រូបលោកមានទំនាក់ទំនងល្អជាមួយនឹងលោក Jorge Mendes ផងដែរ៕
គុនខ្មែរ៖ ទ្រគុនខ្មែរ ជាមួយគ្រុឌ! កក្រើកអ្នកបាត់ដំបង តាមសំណូមពរ របស់ហ្វេន គ្រុឌគុនខ្មែរ ! ជួបជាមួយគូប្រកួតដែលនឹងមកអង្រួនសង្វៀនដ៏អស្ចារ្យដែលនឹងមកធ្វើឲ្យអ្នកបាត់ដំបងជក់ចិត្តដិតអារម្មណ៍ ! ចូលរួមទស្សនាដោយសេរី និងគាំទ្រកីឡាករគុនខ្មែរ នៅថ្ងៃទី 4-5 ឧសភា 2024 នៅភូមិសង្កែវា ឃុំបវេល ស្រុកបវេល ខេត្តបាត់ដំបង ចាប់ពីម៉ោង 6:30 ល្ងាចតទៅ ។អត្ថបទកំពុងចាប់អារម្មណ៍៖ គ្រុឌគុនខ្មែរសប្តាហ៍ដឹងតែញាក់សាច់តែម្តងជាមួយនឹងវត្តមានរបស់លំដាប់កីឡាករគុនខ្មែរជាច្រើនរូប សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
