(អេស៉្បាញ)៖ អ្នកសារព័ត៌មានលើការផ្ទេរកីឡាករដ៏ល្បីឈឈ្មោះលោក Fabrizio Romano បានឲ្យដឹងថា ខ្សែបម្រើក្រូអាត Ivan Rakitić បានបញ្ចប់ការធ្វើតេស្តសុខភាពក្នុងនាមជាកីឡាករថ្មីរបស់ក្លឹប Al Shabab នៅប្រទេសអារ៉ាប៊ីសាអូឌីត ក្រោយកុងត្រារបស់គាត់ជាមួយក្លឹប Sevilla នឹងផុតកំណត់នៅចុងបញ្ចប់នៃរដូវកាលនេះ។ ជាមួយគ្នានេះដែរ កិច្ចសន្យារបស់អតីតកីឡាករ Barcelona នៅក្លឹបថ្មី នឹងមានសុពលភាពរហូតដល់ខែមិថុនា ឆ្នាំ២០២៥ ក្នុងកិច្ចព្រមព្រៀងរយៈពេល ១ឆ្នាំកន្លះ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស.jpg?auto=webp&format=pjpg&width=3840&quality=60)
បច្ចុប្បន្ន Rakitić មានវ័យ ៣៥ឆ្នាំ ដោយបានចាប់ផ្តើមការប្រកួត ២២លើក ស៊ុតបាន ២គ្រាប់ នៅគ្រប់ការប្រកួតទាំងអស់សម្រាប់ក្រុម Sevilla នារដូវកាលនេះ។ គួរកត់សម្គាល់ថា Rakitić បានដើរតួយ៉ាងសំខាន់ក្នុងពានរង្វាន់ Europa League ជាមួយ Sevilla ក្នុងឆ្នាំ ២០១៤ និង ២០២៣ ខណៈរូបលោក បានឈ្នះពានរង្វាន់ La Liga ៤ដង ជាមួយក្លឹប Barcelona រួមជាមួយនឹងការឈ្នះពានរង្វាន់ Champions League ក្នុងឆ្នាំ ២០១៥ ផងដែរ៕
ប្រភព៖ The Athletic & Fabrizio Romano
