(អេស៉្បាញ)៖ កាលពីថ្ងៃសៅរ៍ លោក Xavi Hernandez បានប្រកាសថា រូបគាត់នឹងចុះចេញពីតំណែងជាអ្នកចាត់ការក្លឹបអ្នកមានបុណ្យ Barcelona នៅចុងបញ្ចប់នៃរដូវកាលនេះ។ យោងតាមសារព័ត៌មាន Cadena Ser បានឲ្យដឹងថា លោក Xavi បានថ្លែងសុន្ទរកថាដ៏រំជួលចិត្តមួយទៅកាន់កីឡាករក្នុងក្រុមរបស់គាត់ ខណៈដែលប្រធានក្រុម Sergi Roberto បានស្នើឱ្យលោកគ្រូ Xavi ពិចារណាឡើងវិញនូវការសម្រេចចិត្តចាកចេញពីក្លឹប ដោយទទូចឱ្យរូបគាត់នៅធ្វើការងារជាគ្រូបង្វឹកបន្តទៀត។ ទន្ទឹមនឹងនោះដែរ ខ្សែការពារសញ្ជាតិអេស្ប៉ាញ ត្រូវបានគេគិតថាបានសុំទោសលោក Xavi ក្នុងនាមអតីតមិត្តរួមក្រុម ចំពោះទម្រង់លេងមិនល្អរបស់ពួកគេក្នុងរយៈពេលប៉ុន្មានខែកន្លងមកនេះ៕

ប្រភព៖ SPORTBIBLE