បរទេសៈ ក្លឹប Real Madrid ត្រូវបានគេរាយការណ៍ថា នឹងពិចារណាក្នុងការលក់ខ្សែប្រយុទ្ធឆ្នើមរបស់ខ្លួន Vinicius Junior ប្រសិនបើពួកគេពិតជាអាចចុះកុងត្រាលើខ្សែប្រយុទ្ធឆ្នើម Kylian Mbappe ពីក្រុម Paris Saint Germain នៅទីផ្សារនាពេលបច្ចុប្បន្ននេះ។ ទោះជា Mbappe បានបន្តកុងត្រាជាមួយនឹងក្រុម PSG កាលពីឆ្នាំ២០២២ ពិតមែន ប៉ុន្តែ Mbappe នៅតែជាផែនការមេសម្រាប់ក្រុម Real Madrid និងផ្សារភ្ជាប់ពាក្យចរចាមរ៉ាមជាខ្លាំងថាខ្សែប្រយុទ្ធឆ្នើមរូបនេះនឹងផ្ទេរទៅ Santiago Bernabeu រដូវកាលក្រោយ។ ខ្សែប្រយុទ្ធបារាំងរូបនេះបច្ចុប្បន្នបានឈានចូលកិច្ចរយៈពេល៦ខែចុងក្រោយជាមួយនឹងក្រុម PSG ហើយបើយោងទៅតាមសារព័ត៌មាន Sport បានចុះផ្សាយថា ប្រសិនបើក្រុម Real Madrid អាចបញ្ចប់ការចុះកុងត្រាលើ Kylian Mbappe មែននោះពួកគេនឹងពិចារណាលក់ Vinicius Jr ចេញក្រោមមូលហេតុ ដើម្បីបន្សល់កន្លែងទំនេរសម្រាប់សមាជិកថ្មីនៅក្នុងក្រុម។

របាយការណ៍ខាងលើបន្ថែមថា ប្រធានក្លឹប Real Madrid លោក Perez មិនបានមើលឃើញថា Vinicius Jr គឺផ្នែកដ៏សំខាន់បំផុតសម្រាប់ក្រុមដែលខ្វះមិនបានឡើយ ខណៈលោកបានមើលឃើញ Mbappe ថាជាកីឡាករដែលក្រុម Real Madrid ត្រូវបានជាចាំបាច់៕