(អង់គ្លេស)៖ របាយការណ៍ថ្មីៗពីគេហទំព័រដ៏ល្បី បានឲ្យដឹងថា ខ្សែបម្រើការពារកណ្តាល Kalvin Phillips របស់ក្លឹបមេឃខៀវ Manchester City បានយល់ព្រមផ្ទេរទៅកាន់ក្លឹបញញួរធំ West Ham United ក្នុងលក្ខខណ្ឌខ្ចីជើងដល់ខែមិថុនា ក្នុងរដូវកាលនេះ ដោយក្លឹបញញួរធំមានជម្រើសក្នុងការទិញផ្តាច់។ ទន្ទឹមនឹងនេះ ក្លឹប West Ham បានយល់ព្រមលើប្រាក់ឈ្នួល ១៤០,០០០ផោន ក្នុង១សប្តាហ៍ ក៏ដូចជាការបង់ថ្លៃខ្ចីជើងឲ្យ Man City ផងដែរ។
មិនតែប៉ុណ្ណោះ អតីតកីឡាករក្រុម Leeds រូបនេះមិនបានចាប់ផ្តើមការប្រកួតនៅ Premier League ជាមួយ Man City នៅរដូវកាលនេះនោះទេ ដោយបានអស់សង្ឃឹម ក្រោយមិនកៅនៅជម្រើសជាតិអង់គ្លេសសម្រាប់ Euro ២០២៤ ក្នុងរដូវក្តៅនេះ ហាក់បីដូចជារង្គោះរង្គើបន្តិច។ ជាក់ស្តែង ក្រុម Crystal Palace, Newcastle និង Juventus សុទ្ធតែបានបង្ហាញពីចំណាប់អារម្មណ៍លើកីឡាករវ័យ ២៨ឆ្នាំ ម្នាក់នេះប៉ុន្តែក្រុម West Ham គឺជាក្លឹបតែមួយគត់ដែលបានធ្វើកិច្ចព្រមព្រៀងជិតរួចរាល់ ខណៈ Phillips ត្រូវបានគេរំពឹងថានឹងទទួលបានការពិនិត្យសុខភាពនៅថ្ងៃពុធនេះ៕
ប្រភព៖ THE SUN & GOAL
