គុនខ្មែរ៖ ក្រោយទទួលបានការគាំទ្រពីសំណាក់ប្រជាជនកម្ពុជាយ៉ាងច្រើនកុះករអ្នកប្រដាល់សញ្ជាតិដើម កាណាដា ដែលវាយតំណាងឲ្យប្រទេសមីយ៉ាន់ម៉ា បានប្រកាសថា រូបគេត្រៀមនឹងបើកក្លឹបប្រដាល់ផ្ទាល់ខ្លួននៅលើប្រទេសកម្ពុជា ខណៈយោងទៅតាមរបាយការណ៍មួយចំនួនបានចុះផ្សាយថា អ្នកប្រដាល់រូបគេនឹងរើសផ្ទះពីអឺរ៉ុបមករស់នៅប្រទេសកម្ពុជានៅខែមីនាឆ្នាំ២០២៤ខាងមុខនេះ។ ទោះបីជាយ៉ាងណាមិញ យោងទៅតាមការបញ្ជាក់ថា របស់ Dave Leduc តាមរយៈករណី Facebook ផ្លូវការណ៍របស់គាត់ គាត់ពិតជាបានបញ្ជាក់ថា៖ «ក្លឹបហាត់ប្រាណដាវ (DAV GYM) គឺជាគម្រោងសម្រាប់អ្នកប្រដាល់ជើងឯកពិភពលោករបស់ដាវ ហើយនឹងមានទីតាំងនៅជិតឆ្នេរសមុទ្រក្នុងប្រទេសកម្ពុជា។ *ឈ្មោះទីក្រុងនឹងត្រូវប្រកាសក្នុងពេលឆាប់ៗនេះ* ក្លឹបហាត់ប្រាណនេះនឹងបង្រៀនគុនខ្មែរ, ឡេតវេ, MMA, BJJ និងលំហាត់ប្រាណ។ កន្លែងនេះនឹងក្លាយជាទិសដៅដ៏ល្អបំផុតសម្រាប់ភ្ញៀវទេសចរពីជុំវិញពិភពលោកមកធ្វើការហ្វឹកហាត់ក្នុងទីតាំងឋានសួគ៌មួយ។»
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
