បរទេស៖ Real Madrid និង Chelsea ត្រូវបានគេរាយការណ៍ថា កំពុងពិភាគ្សាអំពីការផ្ទេរលើខ្សែការពារឆ្នើម Sporting Lisbon គឺ Ousamane Diomande ។ ខ្សែការពារវ័យ២០ឆ្នាំរូបនេះបានក្លាយជាកីឡាករដ៏មានសក្តានុពលក្នុងលីគកំពូលអឺរ៉ុបទាំង៥ ចាប់តាំងពីរូបគេផ្ទេរចេញពី FC Midtjylland កាលពីខែមករាឆ្នាំមុន។ អំឡុងពេលដែលរូបគេលេងក្រោមការដឹកនាំរបស់លោក Ruben Amorim កីឡាករ Diomande បានបង្ហាញវត្តមាន៣៨ដង និងអាចរកបាន៣គ្រាប់ផងដែរក្នុងនាមជាខ្សែការពារ។ ទោះបីជាយ៉ាងណាមិញ កុងត្រារបស់នៅ Sporting Lisbon គឺនៅសល់រហូតដល់ឆ្នាំ២០២៧ ប៉ុន្តែរូបគេបានទាក់ក្លឹបនៅទ្វីបអឺរ៉ុបជាច្រើន។ ក្រុមយក្សនៅអេស្ប៉ាញ Real Madrid បានកំពុងពិចារណាលើខ្សែការពាររូបនេះផងដែរ ខណៈ Arsenal, Chelsea និង Newcaslte United ក៏កំពុងប្រជែងគ្នាក្នុងការចុះកុងត្រាលើខ្សែការពាររូបនេះផងដែរ៕