សហព័ន្ធបាល់ទាត់ក្របខណ្ឌ Premier League របស់អង់គ្លេសបានធ្វើការចោតប្រកាន់និងផាកពិន័យដល់ក្លឹប Everton និង Nottingham Forest ជុំវិញបញ្ហាពីបទបំពានលើច្បាប់ហិរញ្ញវត្ថុរបស់ខ្លួន(FFP)។ មានន័យថាក្លឹបទាំងពីរនេះបានជាប់បណ្តឹង និងត្រូវបញ្ជូនសំណុំឯកសារ ទៅគណៈកម្មការឯករាជ្យ ដើម្បីវិនិច្ឆ័យករណីល្មើសលើនិរន្តរភាពនៅក្នុងគណនីរបស់ពួកគេសម្រាប់រដូវកាល២០២២-២០២៣កន្លងទៅ។​មានន័យថានៅក្នុងបទប្បញ្ញត្តិលីកកំពូលអង់គ្លេស Premier League ក្លឹបអាចបាត់បង់ថវិកាអតិបរមាចាប់ពី ១០៥ លានផោនក្នុងរយៈពេល ៣ រដូវកាល ស្មើនិង ៣៥ លានផោនក្នុងមួយរដូវកាល មុនពេលប្រឈមនឹងការដាក់ទណ្ឌកម្មនោះ។ជាមួយគ្នានោះផងដែរក្លឹប​ដែលបំពាន​ច្បាប់​Financial Fair Play ទាំងនោះ ប្រឈមនឹងការផាកពិន័យ ឬកាត់ពិន្ទុជាក់ស្តែង ខណៈ Everton ធ្លាប់ត្រូវបាន​រងពិន័យកាត់​១០ពិន្ទុរួច​ទៅ​ហើយ​នៅដើមរដូវកាលនេះ។​

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ឥឡូវនេះក្លឹបមានពេល ១៤ ថ្ងៃដើម្បីតវ៉ាតាមផ្លូវច្បាប់ខណៈសវនាការត្រូវបញ្ចប់ក្នុងរយៈពេល ១២ សប្តាហ៍ខាងមុខ។ដូច្នេះបណ្តឹងឧទ្ធរណ៍ត្រូវតែធ្វើឡើងមុនថ្ងៃទី២៤ ឧសភា ឆ្នាំ ២០២៤ ហើយបណ្តឹងត្រូវបានដោះស្រាយមុនថ្ងៃទី ១ ខែមិថុនា។ បច្ចុប្បន្នEverton ឈរនៅលេខរៀងទី ១៧ ក្នុងតារាង Premier League ហើយឈរពីលើ Luton Town មួយពិន្ទុប៉ុណ្ណោះ លើតំបន់កាត់ចោល តែបានលេង ច្រើនជាងមួយប្រកួត ផ្ទុយទៅវិញ Nottingham Forest មានបួនពិន្ទុដាច់ចេញពីតំបន់កាត់ចោលដោយឈរនៅលេខរៀងទី១៥។

ប្រភព:BBC