(បារាំង)៖ ក្នុងពេលថ្មីៗនេះយោងតាម ​​Foot Mercato បានរាយការណ៍មកថា ខ្សែប្រយុទ្ធបារាំងរបស់ក្លឹប Paris Saint-Germain កីឡាករ Kylian Mbappe ដែលមានវ័យ ២៥ឆ្នាំ បានយល់ព្រមលើកិច្ចព្រមព្រៀងមួយ ដើម្បីចូលរួមជាមួយក្លឹបអធិរាជស Real Madrid នៅរដូវកាលក្តៅក្រោយនេះ ដោយគ្មានតម្លៃខ្លួនផ្ទេរ។ នាពេលកន្លងមក Mbappe បានបដិសេធ Real ជាច្រើនលើកច្រើនសារ ដែលបានធ្វើឲ្យម្ចាស់ជើងឯក UCL ១៤សម័យ ស្ទើរតែនឹងបោះបង់នូវការចង់បានទៅហើយនោះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទោះជាយ៉ាងណាក៏ដោយ ខ្សែប្រយុទ្ធ PSG រូបនេះ ត្រូវបានអ្នកគាំទ្រ អ្នកសារព័ត៌មានធំៗ ក្នុងស្រុក និងក្រៅស្រុក បានរំពឹងទុកយ៉ាងធំសម្បើមលើអាជីពរបស់ Mbappe ដោយការសម្រេចចិត្តផ្ទេរនៅរដូវក្តៅនេះ។ រំលឹកកាលនោះ ក្លឹប Al-Hilal ហ៊ានដេញថ្លៃ ២៥៩លានផោន ទៅកាន់ PSG ប៉ុន្តែ Mbappe បានបដិសេធ និងចង់ស្នាក់នៅប្រទេសកំណើតខ្លួនបន្ត។ ទន្ទឹមនឹងនេះ ក្តីសុបិនរបស់ Real Madrid ជិតក្លាយជាការពិត ដោយក្លឹបបានខិតខំប្រឹងប្រែង បានយ៉ាងខ្ជាប់ខ្ជួន លើគោលដៅចម្បងនេះ អស់រយៈពេលជាយូរមកហើយ៕

ប្រភព៖ THE SUN