(អង់គ្លេស)៖ យោងតាមគេហទំព័រវេបសាយ talkSPORT បានរាយការណ៍មកថា ក្លឹប Fulham ស្ថិតក្នុងចំណោមក្លឹបនៅ Premier League ដែលកំពុងធ្វើការបើកពិភាក្សាផ្តល់ឱកាសលើការចុះហត្ថលេខានាំយកអតីតខ្សែប្រយុទ្ធហង្សក្រហម Liverpool កីឡាករ Roberto Firmino មកកាន់ទឹកដីទ្វីបអឺរ៉ុបវិញ បន្ទាប់កីឡាករវ័យ៣២ឆ្នាំរូបនេះ កំពុងសម្លឹងរកផ្លូវចាកចេញពីក្លឹប Al Ahli ដែលទើបតែនឹងលេងបានជាង ៦ ខែប៉ុណ្ណោះនៅក្នុងប្រទេសអារ៉ាប៊ីសាអូឌីត។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គួរជម្រាបផងដែរថា Firmino បានបង្ហាញខ្លួនឱ្យហង្សក្រហម ៣៦២ដោយស៊ុតបញ្ចូលទីបាន ១១១គ្រាប់។ យ៉ាងណាមិញ Firmino បានឈ្នះពានជាច្រើនជាមួយហង្សក្រហម មានដូចជា Premier League, Champions League, FA Cup, EFL Cup, UEFA Super Cup និង Club World Cup។ ជាក់ស្តែង ក្លឹប Fulham កំពុងស្វែងរកខ្សែប្រយុទ្ធដែលមានបទពិសោធន៍ជោគជាំ បន្ទាប់ពីបាត់បង់ខ្សែប្រយុទ្ធ Aleksandar Mitrovic ទៅឲ្យ Al Hilal កាលពីរដូវក្តៅ៕
ប្រភព៖ talkSPORT
