(អាល្លឺម៉ង់)៖ យោងតាមសារព័ត៌មាន The Athletic បានអះអាងថា ក្លឹបនៅលីគអាល្លឺម៉ង់ Borussia Dortmund បានសម្រេចចិត្ត ស្វែងរកខ្សែប្រយុទ្ធថ្មី ហើយបានធ្វើការសង្កត់ធ្ងន់ទៅលើក្រុមកាន់តែខ្លាំង។ ជាក់ស្តែង ហេតុផលនៅពីក្រោយការចង់បាននេះ ដោយសារតែការបរាជ័យ មិនទាន់ស្គាល់ពាក្យថាឈ្នះ ក្នុង៦ប្រកួតចុងក្រោយ ដោយស្មើ៤ ចាញ់២ ក្នុងខែធ្នូ ឆ្នាំ២០២៣ កន្លងទៅ ខណៈតំបន់ប្រយុទ្ធស្លាបនៅខ្វះខាតកីឡាករដែលមានគុណភាពអាចបញ្ចប់ទីបាន។ បើទោះបីជា អ្នកចាត់ការទូទៅលោក Edin Terzic ទទួលបានទំនុកចិត្តខ្ពស់ពីកូនក្រុមក៏ដោយ រូបលោកបានសម្រេចចិត្តក្នុងការចរចារនាំយកខ្សែប្រយុទ្ធ Jadon Sancho របស់ក្លឹបបិសាចក្រហម Manchester United ជាគោលដៅផ្ទេរចម្បង ប៉ុន្តែអាចស្ថិតក្នុងលក្ខខណ្ឌខ្ចីជើង នេះបើតាមអ្នកយកព័ត៌មាន Sky Sports News លោក Dharmesh Sheth។
គួររំលឹកដែរថា Sancho ធ្លាប់លេងឲ្យក្រុម Dortmund ចន្លោះឆ្នាំ ២០១៧ ដល់ ២០២១ បានចំនួន ១៣៧ប្រកួត និងស៊ុតបញ្ចូលទីបាន ៥០ គ្រាប់ ជាមួយការ Assist ចំនួន ៦៤ដង ។ ចំណែកឯនៅក្លឹបបិសាចក្រហមវិញ គឺថារូបគេរកបានគ្រាប់បាល់បញ្ចប់ទី ១២ គ្រាប់ និង Assists ៦ ដងប៉ុណ្ណោះ ក្រោយបង្ហាញខ្លួន ៨២ប្រកួត៕
ប្រភព៖ sportbible
(អង់គ្លេស)៖ ក្លឹបបិសាចក្រហម Manchester United បានពិភាក្សាចរចាជាមួយភ្នាក់ងាររបស់ខ្សែប្រយុទ្ធ Joselu របស់ក្លឹបអធិរាជស Real Madrid នេះបើតាមអ្នកកាសែត Matteo Moretto បានរាយការណ៍។ ជាមួយគ្នានេះ Joselu បានឆ្លងកាត់ពេលវេលាដ៏លំបាកក្នុងប្រទេសអង់គ្លេស ហើយបានពង្រឹងអាជីពរបស់គាត់ឡើងវិញ ចាប់តាំងពីការវិលត្រឡប់ទៅកាន់ប្រទេសអេស្ប៉ាញក្នុងឆ្នាំ ២០១៩។អត្ថបទកំពុងចាប់អារម្មណ៍៖ ឧកញ្ញ៉ា ស្រី ចាន់ថន សម្រេចចិត្តបង្កើតក្លឹបខ្លួនឯង ដោយសារតែកីឡាករលំដាប់ A ជាច្រើនសុទ្ធតែជាប់កុងត្រាតាមស្ថានីយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា បិសាចក្រហមមានការចាប់អារម្មណ៍ខ្លាំងក្នុងការនាំយក Joselu ត្រលប់ទៅ Premier League ប៉ុន្តែកីឡាករសញ្ជាតិអេស្ប៉ាញរូបនេះ នៅតែចង់បន្តស្នាក់នៅ Santiago Bernabeu ជាមួយក្រុម Real Madrid។ មិនតែប៉ុណ្ណេាះ Man United ទំនងជាប្រឈមមុខនឹងការប្រកួតប្រជែងពីបណ្តាក្លឹប Premier League ក៏ដូចជាក្លឹបនៅអ៊ីតាលី និងអាល្លឺម៉ង់ផងដែរ៕ ប្រភព៖ SportsMole