(បរទេស)៖ យោងតាមគេហទំព័រ ​​CIES Football Observatory បានឱ្យដឹងថា តារាឆ្នើមរបស់ក្លឹបអធិរាជស Real Madrid កីឡាករ Jude Bellingham បច្ចុប្បន្នភាព ជាប់ជាកីឡាករ ដែលមានតម្លៃថ្លៃបំផុតរបស់ពិភពលោក មានតម្លៃផ្ទេរប្រមាណ ២៦៧.៥លានអឺរ៉ូ ខណៈអតីតមិត្តរួមក្រុមនៅ Borussia Dortmund កីឡាករ Erling Haaland ដែលកំពុងប្រកបអាជីពជោគជ័យនៅក្លឹប Manchester City មានតម្លៃថ្លៃបំផុតទី២ ក្នុងពិភពលោក ២៥១លានអឺរ៉ូ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ដោយឡែក ខ្សែប្រយុទ្ធស្លាបប្រេស៊ីល Vinicius Junior (២៥០លានអឺរ៉ូ) និង Rodrygo (២៤៧លានអឺរ៉ូ) របស់ Real Madrid ក៏ជាកីឡាករមានតម្លៃបំផុតទី៣ និងទី៤ នៅលើពិភពលោកផងដែរ។ បើនិយាយពីខ្សែប្រយុទ្ធនៅក្លឹបយក្សបារាំង PSG កីឡាករ Kylian Mbappe វិញ តម្លៃខ្លួនបច្ចុប្បន្នប្រមាណជា ២០០លានអឺរ៉ូ ស្របពេលក្លឹបនៅអារ៉ាប់ហ៊ានឲ្យថ្លៃកើនដល់ជាង ៣០០លានអឺរ៉ូ ឯណោះ៕

ប្រភព៖ sportbible