គុនខ្មែរ៖ ម្ចាស់ឡានគុនខ្មែរថ្មីថ្មោង លន បញ្ញា បានបង្ហើបថា គុនខ្មែរ គួរតែមានកម្មវិធីធំណាមួយលើកកីឡាករលំដាប់កីឡាករក្នុងស្រុក ដោយការចុះកុងត្រា និងផ្តល់តម្លៃខ្លួនរាប់មុឺនដុល្លា និងវាយ២-៣ខែម្តងប៉ុណ្ណោះ ខណៈ បញ្ញា គិតថា សិស្សច្បង ធឿន ធារ៉ា ពិតសាកសមទទួលបានជាមួយនឹងសមត្ថភាព និងប្រជាប្រិយភាពរបស់គាត់នាពេលបច្ចុប្បន្ន។ គួរបញ្ជាក់ផងដែលថា បញ្ញា លើកឡើងបែបនេះគឺដោយសារតែរូបគេមានក្តីព្រួយបារម្ភខ្លាចកីឡាករជូរមុខរបស់កម្ពុជាមិនអាចវាយ ឬក៏ឈរជើងបានយូរដោយសារតែការវាយញឹកញាប់ពេក ខណៈប្រទេសជិតខាងគេព្យាយាមលើកកីឡាករណាម្នាក់ដោយការឲ្យតម្លៃខ្លួនខ្ពស់ៗ​ និងវាយយូរៗម្តង ដើម្បីធ្វើឲ្យប្រជាប្រិយភាពរបស់កីឡាកររូបនោះ និងកម្មវិធីកាន់តែល្បីខ្លាំងបន្ថែមទៀត៕

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស