ក្លឹប Birmingham City បានបញ្ចប់តំណែងគ្រូបង្វឹក Wayne Rooney បន្ទាប់ពីដឹកនាំក្លឹបនៅក្របខណ្ឌលីកលំដាប់ទីពីរត្រឹមតែ ៨៣ ថ្ងៃ ពោលគឺក្រោយពីពួកគេ បាសម្រេចតែងតាំងវីរបុរសក្រុមបិសាចក្រហមMan.Utd វ័យ 38 ឆ្នាំរូបនេះចាប់តាំងពីថ្ងៃទី ១១ ខែតុលា ២០២២៣បន្ទាប់ពីការសម្រេចចិត្តដ៏ចម្រូងចម្រាសក្នុងការបណ្តេញលោក John Eustace ទោះបីក្រុមស្ថិតនៅលេខរៀងទី៦ក្នុងតារាង។ចាប់តាំងពីពេលនោះមក ពួកគេមិនបាទទទួលលទ្ធផលកាន់តែប្រសើរនោះទេ និងបានធ្លាក់ទៅកាន់លេខរៀងទី ២០ ក្រោយចាញ់ 3-0 កាលពីថ្ងៃច័ន្ទជាមួយ Leeds ដែលជាការបរាជ័យលើកទី ៩ នៃការដឹកនាំ ១៥ប្រកួតចុងក្រោយ។
Rooney បានលើកឡើងយ៉ាងដដូច្នេះថាៈបាល់ទាត់គឺជាអាជីវកម្មដែលមានលទ្ធផល ហើយខ្ញុំទទួលស្គាល់ថាពួកគេមិនស្ថិតក្នុងកម្រិតដែល ខ្ញុំចង់ឱ្យពួកគេទទួលបាននោះទេ។គ្រូបង្វឹកបណ្តោះអាសន្ន Steve Spooner នឹងទទួលបន្ទុកដឹកនាំ ក្លឹបបណ្តោះអាសន្នសម្រាប់ក្រុម Birmingham ក្រោយចែកផ្លូវគ្នាជាមួយជំនួយការរបស់លោក Rooney ដែលជាអតីតខ្សែបម្រើ Wolves និង Wales លោក Carl Robinson ។
